„კაბინეტების მაძიებელი არ ვარ – ალერგია მაქვს კაბინეტებზე“ – მიხეილ სააკაშვილი

1,741 წაკითხვა

საქართველოს ყოფილმა პრეზიდენტმა, მიხეილ სააკაშვილმა განაცხადა, რომ ზელენსკი რამდენიმე დღეში რომელიმე თანამდებობაზე მის დანიშვნას გამოაცხადებს:

„ვფიქრობ, უახლოეს ერთ-ორ დღეში, პრეზიდენტი ზელენსკი რამე კონკრეტულს გამოაცხადებს. მე თანამდებობების, კაბინეტების მაძიებელი არ ვარ. ალერგია მაქვს კაბინეტებზე“, – განაცხადა მიხეილ სააკაშვილმა ტელეარხ Украина 24-ის ეთერში.

საქართველოს ყოფილ პრეზიდენტს არ დაუზუსტებია, თუ რომელ სფეროში მიიღებს თანამდებობას.

უკრაინული მედიის ინფორმაციით, საქართველოს ყოფილი პრეზიდენტი, მიხეილ სააკაშვილი უახლოეს დღეებში უკრაინის ხელისუფლებაში თანამდებობას მიიღებს. ამის შესახებ ინფორმაციას გამოცემა Украинская Правда უკრაინის პრეზიდენტის ადმინისტრაციაში წყაროზე დაყრდნობით იუწყება.

„უახლოეს დღეებში სააკაშვილს თანამდებობაზე დანიშნავენ. ჯერ ვერ ვიტყვით, თუ რა თანამდებობას მიიღებს. ამის შესახებ თავად პრეზიდენტი იტყვის. მხოლოდ იმის თქმა შემიძლია, რომ მთავრობას მუშაობაში დაეხმარება“, – განაცხადა წყარომ.

22 აპრილს ცნობილი გახდა, რომ მიხეილ სააკაშვილს უკრაინის ვიცე-პრემიერის თანამდებობა შესთავაზეს. თუმცა 30 აპრილს მთავრობამ პარლამენტიდან სააკაშვილის კანდიდატურა გაიწვია.

Next Post

რა საბუთები დაგჭირდებათ დახმარების მისაღებად?

ორშ მაი 4 , 2020
1,741 წაკითხვათამარ ბარკალაია – დახმარების მისაღებად ვალიდური საბუთი იქნება, მაგალითად, ბანკის ცნობა, რომ პირს გამოტანილი აქვს სესხი შემოსავლის საფუძველზე, ასევე მაღაზიაში პროდუქტის ჩაბარების დოკუმენტი. ჩვენთვის საკმარისად ვალიდური საბუთი იქნება, მაგალითად, ბანკის მიერ გაცემული ცნობა, რომ კონკრეტულ პირს გამოტანილი აქვს სესხი, რომელიც მისი შემოსავლის საფუძველზე იქნა გაცემული, – ამის შესახებ საქართველოს ჯანდაცვის მინისტრის მოადგილემ, თამარ ბარკალაიამ საქართველოს პირველი არხის საინფორმაციო პროგრამა […]