საქართველოს მეოთხე პრეზიდენტი გიორგი მარგველაშვილი მის ყოფილ თანაგუნდელებს აკრიტიკებს და ამბობს, რომ 1ქართული ოცნება“ ჩამოყალიბდა საერთაშორისო თაღლითად.
მარგველაშვილი ივანიშვილის გუნდის მხრიხან 8 მარტის შეთანხმების შესაძლო ჩაშლას „დღის სტუმარში“ სტუმრიბისას გამოეხმაურა.
„სამწუხაროდ, საერთაშორისო თაღლითად ჩამოყალიბდა ეს პოლიტიკური ძალა. მე მგონია, რომ ახალ და განსაკუთრებულს არ ვამბობ, რადგან ეს საერთაშორისო თაღლითობა უკვე არის ის სტილი, რომელზეც ძალიან ნათლად მიგვითითეს საერთაშორისო პარტნიორებმა უკვე არაერთხელ – ეპისტოლარულად, ზეპირად თუ ასე შემდეგ. ძალიან მნიშვნელოვანია, რომ ეს იმიჯი არ გადავიდეს ქვეყანაზე და ქართველებზე არ ჰქონდეთ წარმოდგენა ჩვენს საერთაშორისო პარტნიორებს, რომ ჩვენ ვართ თაღლითების ერის, – აცხადებს გიორგი მარგველაშვილი.
მისი თქმით, შეხვედრებზე პოლიტპატიმრების გათავისუფლებაზე დისკუსიები იყო:
„მე მისაუბრია ადამიანებთან, ვინც ამ შეხვედრებზე დადიოდნენ და მათი პოზიცია, მათთვის ამოსავალი იყო ის დაპირებები, რაც ამ შეხვედრებზე გაიცა; და იმედი იმისა, ეს დაპირებები, რადგანაც ისინი არის გაცემული სხვაადასხვა ძალიან მნიშვნელოვანი, ჩვენი მეგობარი ელჩების თანდასწრებით, „გადაგდება“ და მოტყუება არ მოხდება, ეს არის ოპოზიციის ამოსავალი“ – განაცხადა საქართველოს მეოთხე პრეზიდენტმა.
