რამდენად არის ოპოზიციის დაქსაქსვის საფრთხე, ამ კითხვაზე სამოქალაქო აქტივისტი მეგი გოცირიძე „ახალ თაობასთან“ ამბობს, რომ:
„იმედია, ეს არ მოხდება. კოალიციური მთავრობა რომ იქნება, ეს გარდაუვალია. არც ისაა გასაკვირი, ყველა პარტიას თავისი კანდიდატი თუ ეყოლება, თუნდაც პრემიერობის, მაგრამ პრაიმერიზი ჩატარდება და საბოლოოდ ისე გამოვლინდება. ასე გაირკვევა, ვის მეტი მხარდაჭერა ექნება.
მაგრამ ახლა, ამ ვითარებაში, როცა ქვეყნის მომავალი გაურკვეველია, ხალხი შიმშილით იხოცება სახლებში გამომწყვდეული და ქვეყნის მმართველი ტიკტოკს ცეკვავს და ხეებს დაათრევს, ამ საკითხის წამოწევა და ერთმანეთთან დაპირისპირება, მაშინ, როცა ხელისუფლება ახალ რეგულაციებს იღებს და წინასაარჩევნოდ ქალაქებს გიკეტავს და მოსახლეობასთან შეხვედრას გიკრძალავს, ასეთი წიოკი მხარდამჭერებს შორის, უბრალოდ, ამაზრზენი საყურებელია!
ქოცებს დავცინით, იმიტომ, რომ მართლა დასაცინები არიან, მაგრამ ეს სერიოზული ხალხი რომ წიოკობს და ქოჩრით ათრევს ერთმანეთს, თითქოს, არიქა, ყველაფერი დამთავრდა, ივანიშვილი გავაგდეთ, ამ დროს ამხელა ბრძოლა გვაქვს მოსაგები, სირცხვილია და არასერიოზულია, რაც ხდება! რა დროს კანდიდატები და რა დროს პრემიერია, როცა კუთხეში მომწყვდეული ვირთხა ივანიშვილი რას იზამს, არავინ ვიცით!
