30-წლიანი ბლა-ბლა აღარ უნდა იყოს.. – თაკო ჩარკვიანი გიორგი ვაშაძის შესაძლო პრემიერობაზე

1,638 წაკითხვა

ინიციატივა, რომ პრემიერ-მინისტრის პოსტზე ოპოზიციამ საერთო კანდიდატს, გიორგი ვაშაძეს დაუჭიროს მხარი პარტია “კანონი და სამართალის” თავმჯდომარე თაკო ჩარკვიანს ეკუთვნის.

თაკო ჩარკვიანი აცხადებს, რომ ის გაოცებულია იმპერატიული ტონით, რომელიც ოპოზიციის ლიდერების მხრიდან მოისმინა.

თაკო ჩარკვიანისთვის გაუგებარია რატომ დაიბლოკა გიორგი ვაშაძის კანდიდატურა.

“საერთოდ გამიკვირდა ეს ცოტა იმპერატიული ტონალობა, რომელიც მგონია, რომ ქართულ პოლიტიკას საერთოდ უნდა მოვაცილოთ. ეს იმპერატიულობა არის, რომელსაც ოპოზიციის წინააღმდეგ ყოველთვის იყენებენ. მე მინდა, რომ ეს – ძალა ერთობაშია შენარჩუნდეს.

30-წლიანი ბლა-ბლა, ის რომ ხალხი თამაშგარე მდგომარეობაშია დატოვებული, პარტერში ჩატოვებული, მაყურებულის როლში აღარ უნდა იყოს. ხალხი უნდა მონაწილეობდეს იმ კვლევაში და პრაიმერში. მე არამგონია, რომ ვეძებდეთ ვინმე დიმიტრი გელოვანს, ასე არ გვაქვს საქმე. მე ვიფიქრე ასეთი რამ, რადგან სააკაშვილმა მაშინ დაასახელა 2018 წელს იმიტომ, რომ მას გამოცდილი ჰყავდა ეს ახალგაზრდა კაცი რეფორმებში. ევროპაში ცნობილ პროექტს უკავშირდება მისი სახელი და გვარი,” – განაცხადა თაკო ჩარკვიანმა.

ეყოლება, თუ არა ოპოზიციას კოალიციური მთავრობის შემთხვევაში ერთიანი პრემიერ-მინისტრობის კანდიდატი, რომელზეც იქნება სრული კონსენსუსი. ეს საკითხი ამ ეტაპზე ბუნდოვანია – ოპოზიციაში ამბობენ, რომ თემაზე საუბარი ნაადრევია, თუმცა კონკრეტული განცხადებები უკვე კეთდება. პირველი ვისი სახელიც გაჟღერდა გიორგი ვაშაძეა – თუმცა ნაციონალურ მოძრაობაში ამბობენ, რომ ეს კანდიდატურა არ განიხილება არც ახლა და არც მომავალში.

Next Post

„ეს არ არის ვინმე წინააღმდეგ პერსონალური პროტესტი..“ - დემურ გიორხელიძე

სამ ივნ 2 , 2020
1,638 წაკითხვაკრიზისი აშიშვლებს სისტემის ნაკლოვანებებს და ზედაპირზე ამოაქვს გადახრები და დამახინჯებები. იგი ასევე აშიშვლებს ერის პრობლემებს. 1. ქართული ცნობერება კარგა ხანია ტრანსშია, – უბრალოდ სისტემის კრიზისმა მკვეთრად გამოკვეთა იგი. ქართველების ცნობიერების მონაწილეობის ხარისხი ინფორმაციის დამუშავებაში გარემოსა და საფრთხეების შესახებ მკვეთრად დაქვეითებულია და საშიში ხდება. ქართული სხეული კი ზე-დოზირებული ანესტეზიის ქვეშაა, როცა გარემოსა და საკუთარი მდგომარეობის შესახებ ინფორმაციის აღქმა შეწყვეტილია. სწორედ […]