„როდესაც, ადამიანების რაღაც ჯგუფი ერთი იდეის გარშემო ერთიანდება და მიზანი ხელისუფლების სახლში გაშვებას გულისხმობს, ამ დროს პირადი ამბიციები გვერდზე უნდა იქნეს გადადებული“ – ეს განცხადება პარტია „მომავალი საქართველოს“ ლიდერმა გიორგი ლაღიძემ ტელეკომპანია „თრიალეთის“ ეთერში ჩართვისას გააკეთა. გიორგი ლაღიძის განცხადებით, წარმატებისთვის მიღწევა მხოლოდ ასე არის შესაძლებელი:
„მიზნის მისაღწევად საჭიროა არა პერსონებს მოვარგოთ წინასაარჩევნო პროცესი, არამედ გავერთიანდეთ და ერთიანი ძალებით ვიბრძოლოთ, სამწუხარო ტენდენციაა, რომ პროცესების დაწყებამდე უკვე ლაპარაკია თანამდებობებზე რამაც დაპირისპირება უკვე გამოიწვია, ეს ძალიან ცუდ ასოციაციას უტოვებს ჩვენს ამომრჩევლებს. თუ ოპოზიციურ სპექტრს გვინდა რომ არჩევნებში მივაღწიოთ წარმატებას, ამისათვის საჭიროა გვერდზე გადავდოთ პირადი ამბიციები და არჩევნებზე წარვსდგეთ ერთიანი ფრონტით“ – განაცხადა გიორგი ლაღიძემ.
