„ხუთივე კონტინენტზე დაკანონებულია ერთნაირსქესიანთა ქორწინება“ – დავით ბერძენიშვილი

„რესპუბლიკელ“დავით ბერძენიშვილის პოსტი ფეისბუქში.

„ახლა, 2020 წელს, მთელს ცივილიზებულ სამყაროში, ხუთივე კონტინენტზე დაკანონებულია ერთნაირსქესიანი ადამიანების ქორწინება ან სამოქალაქო კონტრაქტი.

ორი ათეული წლის წინ დასავლეთ ევროპაში კონტრაქტი იყო და აღმოსავლეთში არა.

2016 წელს, რესპუბლიკელებმა გავაპროტესტეთ და დავუპირისპირდით ხელისუფლების პროპაგანდისტული, შავრაზმული კამპანიის ფარგლებში საკონსტიტუციო ნორმით განსაზღვრას, რომ ქალის და კაცის ერთობაა ქორწინება. არ დავმალულვართ – კრიტიკულ ვითარებაში ღირებულებებისადმი ერთგულება ვარჩიეთ ელექტორალურ ამოცანას, რაკი შეთავსება შეუძლებელი გახდა.

კიდევ უფრო მკაფიო იყო ეს მიდგომა 2017-ის თვითმმართველობის არჩევნების კამპანიისას.

მოძალადე, რუსული გავლენების ბასტიონის- საპატრიარქოს მეხოტბეობა და უმცირესობების ჩაგვრაში ფაქტობრივი თანამონაწილეობა ცუდია.

სუსტთან ძლიერი და ძლიერთან სუსტი…ეს არაა თავისუფალ ადამიანთა არჩევანი.

რესპუბლიკელები საქართველოში სამოქალაქო კონტრაქტის გამოქვეყნებული( 2017), ლგბტქ თემის და არასამთავრობო სექტორის მიერ მხარდაჭერილი ტევადი კონცეფციის ავტორები ვართ.

გვსურს, მხოლოდ ოცი წლით ჩამოვრჩებოდეთ კლასიკურ დასავლეთს..მეტით არა.

გვსურს, მივუახლოვდეთ მალე აღმოსავლეთ და სამხრეთ- აღმოსავლეთ ევროპას, სადაც სამოქალაქო კონტრაქტია.

სწორედ სამხრეთ- აღმოსავლეთ ევროპის სრულფასოვან ნაწილად ვხედავთ საქართველოს მალე..ნატოში უსაფრთხოებითაც, ევროკავშირში კეთილდღეობითაც და ლიბერალური ღირებულებებითაც.

გამონაკლისებს ამოფარება სისუსტე და სითამამის ნაკლებობაა.

თავისუფლების ბრძოლის ავანგარდში ვხედავთ თავს. არც ვყოფილვართ და არც ვიქნებით ღირებულებების საკითხში უკან მიდევნებული ლამპარი.”– წერს ბერძენიშვილი.

  • -

    იურიდიულ საკითხთა კომიტეტმა „უცხოური გავლენის გამჭვირვალობის შესახებ“ კანონპროექტს მესამე მოსმენით მხარი დაუჭირა

    იურიდიულ საკითხთა კომიტეტმა „უცხოური გავლენის გამჭვირვალობის შესახებ“ კანონპროექტს მესამე მოსმენით მხარი დაუჭირა. როგორც კომიტეტის თავმჯდომარემ, ანრი ოხანაშვილმა სხდომის დაწყებისას აღნიშნა, დღეს კანონპროექტში დეპუტატებს, მესამე მოსმენის ფარგლებში, მხოლოდ რედაქციული ხასიათის შენიშვნების შეტანის შესაძლებლობა…

    „კასპერსკის ლაბორატორია“: 2023 წელს ყველაზე მეტად თავს დაესხნენ ინდუსტრიას, ფინანსებსა და  IT

    2023 წელს, რუსეთსა და დსთ-ში, ორგანიზაციები ინდუსტრიის (რეგიონში ინციდენტების მთლიანი რაოდენობის 20%), ფინანსების (17%) და IT (8%) სფეროებში ყველაზე მეტი კიბერშეტევების წინაშე აღმოჩნდნენ. ეს არის ყოველწლიური ანალიტიკური ანგარიშის მონაცემები, რომელიც…

    კომენტარის დატოვება

    თქვენი ელფოსტის მისამართი გამოქვეყნებული არ იყო. აუცილებელი ველები მონიშნულია *