„გიორგი გაბუნიას მიმართ საფრთხე ბოლომდე განეიტრალებული არ არის, ასეთ დროს საუკეთესო პრევენცია მეტი საჯაროობაა“, – განაცხადა ტვ პირველის ეთერში „გამარჯვებული საქართველოს“ ლიდერმა ირაკლი ოქრუაშვილმა.
„დღეს ერთიანობის განცდა მაქვს და გამოძიებას ვგულშემატკივრობ, მაგრამ რას აკეთებენ საგამოძიებო სტრუქტურები? რას აკეთებს ხელისუფლება, რატომ აქვს სირაქლემასავით თავი ქვიშაში ჩარგული. ასეთი საქმის დროს მინიმუმ სამი კაცი მაინც არის ჩართული. დაკავებულია ერთი კაცი, ისიც უკრაინის მიერ მოწოდებული ინფორმაციით. დანარჩენი ორი შეიძლება თავისუფლად დათარეშობს. ასეთ დროს სიფრთხილე და მეტი საჯაროობა საჭირო“, – აცხადებს ოქრუაშვილი.
საერთაშორისო პარტნიორებისთვის ინფორმაციის მიწოდების აუცილებლობაზეც საუბრობს თავდაცვის ყოფილი მინისტრი.
„მოგვიკლეს ოთხოზურია, მოგვიკლეს ტატუნაშვილი – შერჩათ. ჩვენ ამ დროს რას ვაკეთებთ, ქვიშაში გვაქვს თავი ჩარგულ, დღეს აუცილებელია მივმართოთ ჩვენს საერთაშორისო პარტიორებს “, – განაცხადა ირაკლი ოქრუაშვილმა.
„რას აკეთებს ხელისუფლება, რატომ აქვს სირაქლემასავით თავი ქვიშაში ჩარგული” – ირაკლი ოქრუაშვილი
1,543 წაკითხვა