„აშშ-ს პოლიტიკა საქართველოსთან მიმართებაში სტიმულირების ფაზიდან იძულების ფაზაში გადადის“ – გია ხუხაშვილი

156 Views

ეს არის გარკვეული ქმედება, მაგრამ ეს არ არის კატასტროფა. ეს არის ქმედება, რომელიც უფრო გაფრთხილებისთვის არის განკუთვნილი, ვიდრე დასჯისთვის, – ასე შეაფასა გია ხუხაშვილმა აშშ-ის წარმომადგენელთა პალატის ასიგნებების კომიტეტის მიერ წარდგენილი კანონპროექტი.

„აშშ-ს პოლიტიკა საქართველოსთან მიმართებაში სტიმულირების ფაზიდან გადადის იძულების ფაზაში, ეს არის გზავნილი, რომ ისინი არ ენდობიან საქართველოს ხელისუფლებას იმ დემოკრატიული სტანდარტებისა და ინსტიტუტების დამოუკიდებელობის განმტკიცების თვალსაზრისით რაიმე ნაბიჯების გადადგმას აპირებენ და მათ შემოაქვთ გარკვეული სანქციები“, – ამბობს პოლიტოლოგი გია ხუხაშვილი.

მისი თქმით, პოლიტიკურად ვაშინგტონის მიდგომა საქართველოსადმი საგრძნობლად უარესობისკენ არის მიმართული.

ცნობისთვის, აშშ-ის წარმომადგენელთა პალატამ ასიგნებების კომიტეტის მიერ წარდგენილი კანონპროექტი გამოაქვეყნა, რომელშიც 2021 ფისკალური წლისთვის სახელმწიფო დეპარტამენტის, საგარეო ოპერაციებისა და მასთან დაკავშირებული პროგრამების დაფინანსების პრიორიტეტებზეა საუბარი.

დოკუმენტში აღნიშნულია, რომ საქართველო 2021 წელს დახმარების სახით არანაკლებ 132 025 000 აშშ დოლარს მიიღებს, თუმცა აღნიშნულია, რომ აღნიშნული დახმარების 15 პროცენტის საქართველოსთვის გადაცემა შესაძლოა, შეჩერდეს იქამდე, ვიდრე აშშ-ის სახელმწიფო მდივანი დაადგენს და ასიგნებების კომიტეტს წარუდგენს ანგარიშს იმის შესახებ, რომ საქართველოს მთავრობა შესაბამის ნაბიჯებს დგამს დემოკრატიული ინსტიტუტების გაძლიერების, კორუფციასთან ბრძოლის, კერძო სექტორში კანონის უზენაესობის, ქვეყანაში უცხოური ბიზნესის დაცის კუთხით. კანონპროექტში ასევე აღნიშნულია, რომ დახმარების შეჩერება არ შეეხება იმ პროგრამებს, რომლებიც ხელს უწყობენ დემოკრატიას, კანონის უზენაესობის, სამოქალაქო საზოგადოების, მედიის განვითარებას ან მიმართულია გენდერული ნიშნით ძალადობის შემცირებაზე.

მედიანიუსი

კომენტარის დატოვება

თქვენი ელფოსტის მისამართი გამოქვეყნებული არ იყო. აუცილებელი ველები მონიშნულია *

Next Post

გიორგი ლაღიძე - „მე მჯერა, რომ ჩვენი აქტიურობით აუცილებლად მოვიპოვებთ ხალხის მხარდაჭერას“

ხუთ ივლ 9 , 2020
156 Views„პარტია „მომავალი საქართველო“ საპარლამენტო არჩევნებში მიიღებს მონაწილეობას“ – ამის შესახებ პარტიის ლიდერმა განაცხადა. გიორგი ლაღიძის განცხადებით, ეს გადაწყვეტილება ქვეყანაში არსებულიპოლიტიკური ვითარებიდან გამომდინარე იქნა მიღებული. „ქვეყანაში  არსებული მძიმე პოლიტიკური ვითარებიდან გამომდინარე, პარტიამ მიიღო გადაწყვეტილება, მონაწილეობა მიიღოს საპარლამენტო არჩევნებში. ჩვენ, დღეს მივმართავთ ცენტრალურ საარჩევნო კომისიას, არჩევნებში მონაწილეობის მოთხოვნით და მოვითხოვთ მხარდამჭერთა ბლანკის გადმოცემას. ვიწყებთ საქართველოს მასშტაბით შესაბამისი რაოდენობის ხელმოწერების შეგროვებას, რათა […]

mediapress.ge@gmail.com