„სამთავრობო ცვლილებები მოსალოდნელი არ არის“ – გია ვოლსკი

1,988 წაკითხვა

„მე გეუბნებით, რომ სამთავრობო ცვლილებები მოსალოდნელი არ არის“ – ამის შესახებ “ინტერპრესნიუსს“ საპარლამენტო უმრავლესობის ლიდერმა გია ვოლსკიმ განუცხადა.

ვოლსკის განცხადებით, მამუკა ბახტაძე არის ინტელექტუალური, ენერგიული და ნიჭიერი ახალგაზრდა, რომელსაც მართვა შეუძლია.

„დიდი ხანია, რაც მედია კითხვას სამთავრობო ცვლილებების შესახებ სვამს. როდესაც არის საკვაძნო, გარდამტეხი პერიოდი, ქვეყანაში რაიმე მნიშვნელოვანი მოვლენა ხდება, დგება წინასაარჩევნო წელიწადი, მედიასაშუალებების წარმომადგენლები ყოველთვის სვამენ კითხვას მოსალოდნელ სამთავრობო ცვლილებებზე და გარკვეულ პროგნოზებს აკეთებენ. მე გეუბნებით, რომ სამთავრობო ცვლილებები მოსალოდნელი არ არის! მამუკა ბახტაძეს ძალიან საინტერესო პროგრამა აქვს. საქმე ხალხის ცვლაში არ არის. უნდა მოხდეს პროექტების დაჩქარება, საკითხების განხილვის ინტენსიფიკაცია, უნდა შეიცვალოს მართვის ხარისხი და გაძლიერდეს მართვის ვერტიკალი. მამუკა ბახტაძეს საკმაოდ დიდი ინტელექტუალური რესურსი და ენერგია გააჩნია იმისთვის, რომ აღნიშნული საკითხები მოაგვაროს. ვფიქრობ, რომ ძალიან ბევრი საკითხი იქნება ნათელი, როდესაც პრემიერ-მინისტრი კონკრეტული პროგრამით პარლამენტის წინაშე წარდგება“, – განუცხადა “ინტერპრესნიუსს“ გია ვოლსკიმ.

სხვადასხვა მედიასაშუალებები სამთავრობო ცვლილებების შესახებ ვერსიებს ავრცელებენ. ამ ვერსიის თანახმად, პრემიერის თანამდებობაზე მამუკა ბახტაძეს გიორგი გახარია შეცვლის, შს მინისტრის თანამდებობაზე კი ირაკლი ღარიბაშვილი დაინიშნება.

კომენტარის დატოვება

თქვენი ელფოსტის მისამართი გამოქვეყნებული არ იყო.

Next Post

ოდესის სასტუმროში ხანძრის შედეგად რვა ადამიანი დაიღუპა

შაბ აგვ 17 , 2019
1,988 წაკითხვაოდესის სასტუმროში გაჩენილი ხანძრის შედეგად რვა ადამიანი დაიღუპა, ათი კი მძიმედ დაშავდა. ინფორმაციას მომხდარი ტრაგედიის შესახებ სააგენტო riafan.ru ავრცელებს. სააგენტოს ცნობით, ტრაგედია შაბათს ღამით, „Токио Стар“ – ის სასტუმროში მოხდა. ხანძარი სასტუმროს მეორე სართულზე გაჩნდა. ხანძრის ლოკალიზებაში 65 მაშველი და 13 ერთეული სპეცტექნიკა იყო ჩართული.

შესაძლოა მოგეწონოთ

mediapress.ge@gmail.com