საქართველოს პარლამენტში მთაწმინდის მაჟორიტარი დეპუტატის ასარჩევად პარლამენტის შუალედური არჩევნები მაისში გაიმართება

საქართველოს პარლამენტში მთაწმინდის მაჟორიტარი დეპუტატის ასარჩევად პარლამენტის შუალედური არჩევნები მაისში გაიმართება.

სალომე ზურაბიშვილის გამარჯვების შემდეგ, პარლამენტს წარმომადგენლობის შესავსებად შუალედური არჩევნების ჩატარება მოუწევს, რადგან სალომე ზურაბიშვილი საკანონმდებლო ორგანოში მთაწმინდის მაჟორიტარი დეპუტატი იყო.

საარჩევნო კოდექსის 129-ე მუხლის მიხედვით, საარჩევნო ოლქიდან არჩეული პარლამენტის წევრის გამოკლების შემთხვევაში, საქართველოს პარლამენტის შუალედური არჩევნები იმართება მაისში ან ოქტომბერში, თარიღის დანიშვნა კი იმაზეა დამოკიდებული, თუ როდის შეუწყდა დეპუტატს უფლებამოსილება. თუ პარლამენტის წევრს უფლებამოსილება 15 თებერვლიდან 15 ივლისამდე შეუწყდა, საქართველოს პარლამენტის შუალედური არჩევნები იმართება იმავე წლის ოქტომბერში, ხოლო თუ 15 ივლისიდან 15 თებერვლამდე უფლებამოსილების შეწყვეტის შემთხვევაში, არჩევნები ტარდება უახლოეს მაისში.

შუალედური არჩევნები 2019 წლის მაისში მხოლოდ მთაწმინდის მაჟორიტარულ ოლქში ჩატარდება.

 

კომენტარები

კომენტარის დატოვება

თქვენი ელფოსტის მისამართი გამოქვეყნებული არ იყო. აუცილებელი ველები მონიშნულია *