სამ. ივნ 25th, 2019

MediaPress

საინფორმაციო ანალიტიკური სააგენტო

„საქართველო იქცა ნაგავსაყრელად, ირანში ამისთანა ნაგავს, როგორიც ეს ნარკოდილერი “რეპერია”, შანსი არ აქვს არა თუ კონცერტი გამართოს..“

1 min read

ირანის ისლამური რესპუბლიკის თანამედროვე პოლიტიკის შესახებ არაერთი სტატია გამომიქვეყნებია თავის დროზე, 2000-იან წლებში მხოლოდ ბ-ნი ჰამლეტ ჭიპაშვილი და მე ვაკეთებდით ამას, მათ შორის, რუსულ პრესაში. ჩვენი ირანისტები სპარსული ზღაპრებით და პოეზიით იყვნენ გატაცებულნი, პოლიტიკას შეგნებულად არ ეხებოდნენ. : არადა, მართლა ძლიერი სპეციალისტები გვყვანან და მათ ამის გაკეთება უკეთესად შეეძლოთ, მე სულაც არ გახლავართ ირანის სპეციალისტი. დღესდღეობით ირანის ყველაზე აქტიური და კეთილსინდისიერი მკვლევარია ვასილ პაპავა, კარგი იქნება, რომ მას ყური დაუგდონ ხოლმე. მაგრამ ახლა მინდა, კომენტარი გავაკეთო ატეხილ აჟიოტაჟთან, ვიღაც რეპერის მიერ გინება-არგინებასთან და ირანის საელჩოში პატივცემული ქართველი კონსერვატორი პოლიტიკოსების ვიზიტთან დაკავშირებით:

1) მნიშვნელობა არ აქვს, ირანელმა “რეპერმა” სასქესო ორგანო ახსენა თუ არა. იგი იქცეოდა გამომწვევად და მისი ლაყაფი და მთლიანად, ანტურაჟი, იყო გამომწვევი.

2) ირანში ამისთანა ნაგავს, როგორიც ეს ნარკოდილერი “რეპერია”, შანსი არ აქვს არა თუ კონცერტი გამართოს, არამედ ქუჩაში გაიაროს. საქართველო იქცა ასეთი ნაგვების შესაგროვებელ ადგილად, ანუ ნაგავსაყრელად. ის ირანელები, რომლებიც საქართველოში იყრიან თავს, ძირითადად არიან დასავლეთუმე ლიბერასტები და ვერ იტანენ ისლამურ რესპუბლიკას. შესაბამისად, აღშფოთებულმა ქართველობამ თავისი აღშფოთება ისლამური სახელმწიფოს ხელისუფლების მიმართ კი არა, საკუთარი ხელისუფლების მიმართ უნდა გამოამჟღავნოს, რომელიც ამერიკის წაქეზებით ცდილობს, ჩვენი ქვეყანა გადააქციოს ანტიირანულ პლაცდარმად. ეს პირდაპირ ასე უნდა ვთქვა, სამწუხაროდ.

3) ჩვენი საზოგადოების ნაწილის მისვლას ირანის საელჩოსთან და ელჩთან შეხვედრას მაინც მხარს ვუჭერ. დაე ახლა მაინც მიხვდეს ბატონი ელჩი, რომ კაბინეტში ჩაკეტილობა, ხანდახან მარნეულელების მიღება და ჩაის დალევა არ არის მუშაობა. ელემენტარულად, ვასილ პაპავას, ჰამლეტ ჭიპაშვილს და მე მაინც უნდა გვიცნობდეს. ახლა ხომ გაიცნო აღშფოთებული ქართველები და ეს მისთვის შოკი იყო, მას ეგონა, რომ თაფლი და შაქარი სიტყვებით ამოწურავდა ინციდენტს.

4) დაბოლოს, არავის დაავიწყდეს, რომ ირანის ისლამური რესპუბლიკა ერთადერთი ძალაა, ვინც ბოლომდე ებრძვის გლობალიზმს და გლობალისტებს და კონსერვატული ძალების ბუნებრივი მოკავშირეა. ჩემთვის მიუღებელია ირანის ზღვარს გადასული ანტიისრაული პოლიტიკა, მაგრამ რაც არის, ეს გვაქვს რეალობაში. ჩემი პრინციპია სიმართლე და მხოლოდ სიმართლე. თუ რამე მეშლება, დაე გამისწორეთ.

გულბაათ რცხილაძე

კომენტარები

ასევე წაიკითხეთ