რუსთავი 2 „კვირის სხვა შუადღის“ და „შაბათის შუადღის“ წამყვანებმაც დატოვეს

2,534 წაკითხვა

შაბათის შუადღის ოთხივე წამყვანმა, ნესტან ნენე კვინიკაძემ, ქეთი დევდარიანმა, ლაშა ბუღაძემ და დათო ტურაშვილმა, რუსთავი 2 დატოვეს. ამის შესახებ გადაცემის განცხადებაშია აღნიშნული.

„სამწუხაროდ, საქართველოში უკვე მერამდენე ხელისუფლება იმეორებს წინამორბედის შეცდომებს და არც ეს ხელისუფლებაა გამონაკლისი ამ მხრივ და მეტიც — ეჭვი გვაქვს, რომ ეს მმართველობა არა მხოლოდ დემოკრატიასა და სიტყვის თავისუფლებას, არამედ საქართველოს ევროპულ, ისტორიულ არჩევანს უქმნის საფრთხეს და რაც მთავარია, საფრთხეს უქმნის საქართველოს დამოუკიდებლობასა და ქართულ სახელმწიფოებრიობას.

ჩვენ ისევ იმ ღირებულებების ერთგულები ვიქნებით, რასაც ლიტერატურა ყოველთვის გვკარნახობს და რისთვისაც ეს გადაცემა შეიქმნა და წლების განმავლობაში არსებობდა. თავისუფლების ალტერნატივა არ არსებობს და თავისუფლება არ იყიდება.”- აცხადებენ გადაცემის წამყვანები.

ასევე რუსთავი2 დატოვეს გადაცემა კვირის სხვა შუადღის წამყვანებმა. ლევან ბუთხუზმა, ლევან ღამბაშიძემ და სალომე დადუნაშვილმა, მეოთხე წამყვანი ეკა კვესიტაძე კი სამსახურიდან გენერალურმა დირექტორმა გაათავისუფლა.

Next Post

პროკურატურა ავთანდილ წერეთლის მიმართ 500.000 ლარის გირაოს მოითხოვს

სამ აგვ 27 , 2019
2,534 წაკითხვაგენერალური პროკურატურა ბიზნესმენ ავთანდილ წერეთლის მიმართ აღკვეთის ღონისძიების სახით 500 000 ლარის ოდენობის გირაოს შეფარდებას მოითხოვს. როგორც „ინტერპრესნიუსს“ საგამოძიებო უწყებაში განუცხადეს, პროკურატურა სასამართლოს სწორედ აღნიშნული შუამდგომლობით მიმართავს. გენერალურმა პროკურატურამ ბრალდებული ბიზნესმენის, ავთანდილ წერეთლის მიმართ აღკვეთის ღონისძიების შეფარდებასთან დაკავშირებით სასამართლოს დღეს მიმართა. სხდომა თბილისის საქალაქო სასამართლოში 15:00 საათზე ჩაინიშნა. რაც შეეხება დაცვის მხარეს, როგორც „ინტერპრესნიუსს“ წერეთლის ადვოკატმა, კახა წერეთელმა განუცხადა, […]

შესაძლოა მოგეწონოთ