„როდესაც ივანიშვილი ნახავს ამ ინტერვიუს, არ გამოვრიცხავ, რომ..“ – სკანდალური ინტერვიუ “ქართუ ჯგუფის” ყოფილ ვიცე-პრეზიდენტთან

1 536 Views

„მთავარი არხი“ სკანდალური ინტერვიუს ანონს ავრცელებს „ქართუ ჯგუფის“ ყოფილ ვიცე-პრეზიდენტთან და ივანიშვილის უსაფრთხოების სამსახურის ყოფილ უფროსთან ელდარ გოგოლაძესთან.

ინტერვიუს მთავარი აქცენტები:

ბიძინა ივანიშვილი 2003 წლის დეკემბერეში შეეცადა პირველად პოლიტიკაში მოსვლას, მომიყვა თავის შეხვედრებზე სურკოვთან.

(შეგახსენებთ, ვლადისლავ სურკოვი 1999-2011 წლებში პრეზიდენტის ადმინისტრაციის უფროსის პირველი მოადგილე და კრემლის მთავარი იდეოლოგი იყო, 2011-2013 წლებში სურკოვს ვიცე-პრემიერის თანამდებობა ეკავა. 2013 წლის 20 სექტემბერს სურკოვი პრეზიდენტის თანაშემწედ დაინიშნა, 2020 წლის 18 თებერვალს, პრეზიდენტის ბრძანებით, სურკოვი პრეზიდენტის თანაშემწის თანამდებობიდან გაათავისუფლეს.)

მილიარდელის გეგმები ანაკლიის პორტთან დაკავშირებით – ბიძინა ივანიშვილმა მითხრა, წავალ მოსკოვში, შევხვდები პატროშევს (ნიკოლოზ პატრუშევი  რუსეთის ფედერაციის უშიშროების საბჭოს მდივანი 2008 წლიდან) და მხოლოდ მაგის შემდეგ ვიტყვი, თუ არ მომცეს თანხმობა, ანაკლიის პროექტში ერთ დოლარსაც ვერ ჩავდებო.

არის თუ არა ბიძინა ივანიშვილი რუსეთის მოქალაქე? – ჩემთან სეიფში მისი სამი რუსული პასპორტი ინახებოდა მუდმივად.

როგორ დაიწყო ბიძინა ივანიშვილმა ფულის კეთება? – აბიტურიენტებს საგამოცდო ბილეთებს სთავაზობდა, ეს იყო წინა წლის ბილეთები, გადაყრილი ბილეთები, ართმევდა გარკვეულ თანხას და თუ ჩააბარებდა – ჩააბარებდა, თუ არადა მერე მიიმალებოდნენ. მილიარდელად იქცა იარაღის უკანონო ვაჭრობით – გემი იტვირთებოდა, დოკუმენტებში ეწერა მეტალის ჯართი და ანგოლაში იარაღის საფასურს ისტუმრებდნენ ალმასებით და ნედლი ნავთობით.

როგორ არჩევს ივანიშვილი კადრებს ბიზნესში და პოლიტიკაში? – ჩემთვის მას უთქვამს, რომ ის ბანკის მმართელის მოადგილეს და კომპანიის ვიცე-პრეზიდენტს აკეთებს „ლიფტიორებისაგან“ და „ახრანიკებისაგან“. პარლამენტის ამჟამინდელი წევრებიდან, ზოგი ჩემი თანამშრომელი იყო…

უთვალთვალებს თუ არა ბიძინა ივანიშვილის გუნდის წევრებს? – თალაკვაძეს, კობახიძეს, გახარიას და სხვებს? – გამიკვირდება რომ ამას არ აკეთებდეს და მგონი უკვე ამათაც იციან ეს.

რა მიზეზით გაბრაზდა და რატომ ცდილობდა ივანიშვილი პატრიარქზე კომპრომატების მოპოვებას? – იყო მცდელობა კომპრომატის მოპოვების, ვუთხარი, რომ მე ამას არ გავაკეთებდი!

ვინ გასცა 20 ივნისს დარბევის ბრძანება? – ანზორ ჩუბინიძეს ამ ბრძანების გაცემა არ შეუძლია, ეჭვი მეპარება რომ პრემიერს გაეცა, მხოლოდ და მხოლოდ ბიძინა ივანიშვილი!

პოლიტიკოსი, თუ ფსიქოპატი? – მას აქვს ჩემთვის მოყოლილი, რომ ის იწვა მოსკოვის საქალაქო ფსიქიატრიულ კილინიკაში, დიაგნოზი უნდა ყოფილიყო საკმაოდ მძიმე!

რომელი ენა იცის? – ჰქონდა მცდელობა ფრანგულის და ინგლისურის სწავლის, ჰყავდა მასწავლებლები, მაგრამ როგორც თვითონ ამბობს, ვერც ერთი ვერ ისწავლა.

რა რჩევას აძლევს ივანიშვილს? – ვურჩევ, გამოიძახოს „გაზპრომი“, დაჯდეს თვითმფრინავში და გაფრინდეს ევროპაში. თუ წააგო არჩევნები და წასვლა მოუწია, ის არ გამოიძახებს დიდ თვითმფრინავს მთელი თავისი გუნდისთვის.

ექნება თუ არა ივანიშვილს ნიკა გვარამიას მოკვლაზე ნაფიქრი? – არ არის გამორიცხული და როდესაც ნახავს ამ ინტერვიუს, არ გამოვრიცხავ, რომ უფრო მეტად, ჩემ მიმართ გაუჩნდეს ეს ფიქრი.

სრული ინტერვიუ, კვირას „მთავარ არხზე“

alia.ge

კომენტარის დატოვება

თქვენი ელფოსტის მისამართი გამოქვეყნებული არ იყო. აუცილებელი ველები მონიშნულია *

Next Post

„ეს ტყუილია, დიდი ტყუილი“ – თენგიზ ცერცვაძის პასუხი უცხოეთში მყოფ ქართველ მედიკოსებს

შაბ ოქტ 24 , 2020
1 536 Viewsინფექციური პათოლოგიისა და შიდსის ცენტრის გენერალური დირექტორი თენგიზ ცერცვაძე უცხოეთში მყოფ იმ ქართველ მედიკოსებს პასუხობს, ვინც საქართველოს სახელისუფლებო ვერტიკალისა და და ექიმების მიერ COVID-19-ის საწინააღმდეგო პოლიტიკასა და ღონისძიებებს აკრიტიკებს. „ბატონი გიორგი კანდელაკი ა.წ. 12 სექტემბერს გამოქვეყნებულ ფეისბუქ პოსტში წარუმატებლად შეეცადა ნეგატიურად შეეფასებინა ქვეყანაში სახელისუფლებო ვერტიკალისა და ექიმების მიერ COVID-19-ის საწინააღმდეგო პოლიტიკა და ღონისძიებები (მაშინ მან თავი აარიდა ჩვენთან ამ […]

შესაძლოა მოგეწონოთ

mediapress.ge@gmail.com