კობახიძემ „გადატრიალების გეგმის” 3 ავტორი დაასახელა

1,569 წაკითხვა

ირაკლი კობახიძე იმ სიის შემადგენლობას ასახელებს, რომელიც ქვეყანაში “გადატრიალებას” გეგმავდა. კობახიძე ამბობს, რომ ამ გეგმის ლიდერები მიხეილ სააკაშვილი, დევი ჭანკოტაძე და დიმიტრი შაშკინი არიან.

კომენტარი კობახიძემ ამის შესახებ სუს-იდან გამოსვლის შემდეგ გააკეთა, სადაც მისივე განცხადებებისთვის დაიბარეს.

ეს ყველაფერი მიეკუთვნება იმ სცენარს, რომელიც არის შედგენილი მიხეილ სააკაშვილის მიერ, რომელიც არის ლიდერი ამ მთავარი კრიმინალური დესტრუქციული პოლიტიკური ძალის და მასთან ერთად, ამ კუთხით მოქმედებენ ამ პარტიის რამდენიმე წარმომდგენელი, მაგალითად დევი ჭანკოტაძე, დიმიტრი შაშკინი…” ამბობს კობახიძე.

ის არ ასახელებს წყაროს, საიდან აქვს ინფორმაცია, თუმცა ამტკიცებს, რომ წყაროს ვინაობა ლილუაშვილის უწყების გამომძიებლებს დაუსახელა და თუ ისინი საჭიროდ ჩათვლიან, თავად გაახმაურებენ.

შეგახსენებთ, არჩევნებამდე რამდენიმე დღით ადრე, კობახიძე ამტკიცებდა, რომ ოპოზიცია “შეიარაღებული ამბოხის სცენარს განიხილავდა”.

არჩევნებიდან მეორე დღეს კი ცნობილი გახდა, რომ სუს-მა სახელმწიფო გადატრიალების მუხლით მორიგი გამოძიება დაიწყო.

2014 წლიდან, სახელმწიფო გადატრიალების მუხლით აღძრული ეს უკვე მეოთხე საქმეა, თუმცა ამ დრომდე არც ერთი საქმე ბოლომდე გამოძიებული არ არის.

Next Post

ვაკეში ზვიად კუპრავა დააკავეს

ხუთ ნოე 5 , 2020
1,569 წაკითხვავაკეში, მე-2 საოლქო საარჩევნო კომისიასთან სამართალდამცავებმა 4 პირი დააკავეს. აღნიშნულის შესახებ „ინტერპრესნიუსს“ ვაკე-საბურთალოს საპატრულო პოლიციის სამმართველოს უფროსის მოადგილემ განუცხადა. რამდენიმე წუთის წინ, სამართალდამცავებმა პოლიციისთვის წინააღმდეგობის გაწევისა და დაუმორჩილებლობის ბრალდებით ზვიად კუპრავაც დააკავეს. აქციის მონაწილეების ნაწილი იმ სამმართველოსთან გადაინაცვლებენ, სადაც ზვიად კუპრავა და სხვა აქტივისტები გადაიყვანეს.