1,740 წაკითხვა
დემურ გიორხელიძის პოსტი ფეისბუქში:
კრიზისი აჩენს ყველა პრობლემას –
ყველა არასწორ გადაწყვეტილებას,
ყველა შეცდომას შეხედულებათა სისტემაში,
ყველა საკადრო შეცდომასა და დანაშაულს, –
ყველაფერს, რაც არასახელმწიფოებრივ
განწყობებს, შეხედულებებს, ბელადებსა და
ცხოვრების წესს ეხება!
ყველაფერს!
არ გინდათ დაინახოთ?!
დაინახავთ – სხვა გზა არ გაქვთ!
ყველაზე ცუდი ისაა, რომ კრიზისულ სიტუაციაში სახელმწიფოში არ აღმოჩნდა ორგანო (სახელმწიფო ინსტიტუტი), რომელიც პასუხისმგებლობით მართავდა სიტუაციებს და ააცილებდა დანაკარგებს ქვეყანას და, ცხადია, უპირველესად – ხალხს.
უბედურება, რომელიც კივის და იძახის:
”მიშველეო!”
ამდენი არაკომპეტენტური,
ნულთან ახლო ინტელექტის მქონე,
პოლიტიკურად უსუსური და შემთხვევითი ადამიანი
ხელისუფლებაში არ შეიძლება –
კრიზისული სიტუაცია გეუბნება – არ შეიძლება!
ეს საშიშია!
მათ ეტყობათ – აზრზე არ არიან, რა პროცესი მიდის:
ყველაფერი გაჯერებულია ნეპოტიზმით, პირადი (”შკურნიო” – რუსები იტყვიან) ინტერესებით,
პარტიული ინტერესებითა და პროფესიული კრეტინიზმით!
ხელისუფლება უნდა ხვდებოდეს –
ჩიხში რომ არ შეიყვანოს სიტუაცია, რომელსაც დიდი დანაკარგები მოჰყვება, –
აუცილებელია ცვლილებები, რომლის მიზანია:
(ა) სიტუაციის გასწორება და არა ჩიხში შედენა,
(ბ) სათანადო ხალხის წინა პლანზე წამოწევა,
რომ საქმე აკეთონ და შედეგი დადონ.
პრიმიტივიზმი მართვაში და ყალბი გუნდურობა უტვინობის ნიშანია – აიღეთ ის რესურსი, რაც არის ქვეყანაში!..
რასაც ვხედავ და მესმის –
საქმიდან აცილების მწვერვალია.
მეტი შორს – უკვე დიდი დანაკარგებია!
ხელისუფლების მხარდამჭერი ტელევიზია ავრცელებს დანაშაულებრივ, ანტიკონსტიტუციურ მოწოდებებს პოლიციელების განადგურებისა და გადატრიალების შესახებ და ჩვენ რა ვქნათ, – ”შევშინდეთ” თუ დავიჭიროთ ვინმე? წესრიგი დავამყაროთ?
ეს უკვე დანაშაულზე მეტია!
ეს – ღალატია!
