„მთავარი არხი“ – ს ჟურნალისტ მიშა სესიაშვილის პასუხი მამა შალვა კეკელიას, რომელსაც არხის დირექტორისა და ჟურნალისტების წყევლაში სდებენ ბრალს.
„რადგან გუშინ მთელი დღე იმ შვილებით ვიყავი დაკავებული, ვისი არ გახარებითაც დამწყევლეთ, ახლა და აქ გიპასუხებთ. მომიტევებია!
როგორც ადამიანს, როგორც მამას, როგორც ქრისტიანს – მე არ შემიძლია სხვაგვარად ვუპასუხო იმ ყიამყრალობას, რაც ჩემდა სამწუხაროდ ამბიონიდან მოვისმინე.
მომიტევებია! მაგრამ ისიც გახსოვდეთ, რომ ჩემი ღმერთი სახედრით დადიოდა, ძაძებს იცვამდა და ყველა უყვარდა, ყველას შანსს აძლევდა – ავაზაკსაც, მეძავსაც და ტირანიის მსახურთაც.
ჯვარს აცვეს, აწამეს, სდევნიდნენ და დასცინოდნენ – და მიუხედავად ყველაფრისა, მხოლოდ ერთხელ, განრისხდა იესო, და მხოლოდ ერთი რამ ვერ აპატია ადამიანებს, როცა უფლის სახლში, უფლის სახელით გაჩაღებული აღებ-მიცემობა ნახა, როცა ნახა, რომ ფარისევლები თავის ხორციელ ვნებებსა და მომხვეჭველობას ღმერთზე, სიყვარულზე და ჭეშმარიტებაზე მაღლა აყენებდნენ მე მომიტევებია და ვილოცებ, რომ ღმერთმაც შეგინდოთ“- წერს მიშა სესიაშვილი.
