გლდანში გუშინ მომხდარ შემთხვევის შესახებ ახალი დეტალები ხდება ცნობილი. გავრცელებული ცნობით, 29 წლის გიორგი მერაბიშვილი ხელყუმბარის აფეთქებით ბიძის სახლში იმუქრებოდა.
სოფელ გიორგიწმინდაში სტუმრად მისულმა გიორგი მერაბიშვილმა წინააღმდეგობა მის დასაკავებლად მისულ სამართალდამცველებს გაუწია. ინციდენტის დროს სახლში 18 და 14 წლის მოზარდები იმყოფებოდნენ.
29 წლის ბრალდებული ბიძის სახლში მას შემდეგ მივიდა, რაც ოჯახური კონფლიქტის ნიადაგზე მეუღლემ მის წინააღმდეგ პოლიციაში საჩივარი შეიტანა.
ადვოკატი თამარ აბესაძე ამბობს, რომ მისი დაცვის ქვეშ მყოფს ხელყუმბარა არ ჰქონია.
დაკავებული დღემდე პირობითი მსჯავრის ქვეშ იმყოფება, ის წარსულში ქურდობისთვისაა ნასამართლევი.
გიორგი მერაბიშვილს ორმაგი მოქალაქეობა აქვს – როგორც საქართველოსი, ასევე აშშ-ის.
პრაიმ ტაიმი