ირმა ინაშვილის კომენტარი მათი პარტიის წევრის პარლამენტში შესვლასთან დაკავშირებით

1,251 წაკითხვა

„პატრიოტთა ალიანსი“-ს გენერალური მდივნის განცხადებით, პარლამენტში, მათი წევრის შესვლასთან დაკავშირებით მიღებულ გადაწყვეტილებაში ჩარევის ბერკეტი არ აქვთ, რადგან ის პარტიის შემომწირველია და თავისუფალია მის ქმედებებში. ამის შესახებ ირმა ინაშვილმა გამართულ ბრიფინგზე განაცხადა.

„ავთანდილ ენუქიძე ჩვენი პარტიის შემომწირველია, თავისუფალია ქმედებებში, მე და პარტიას არანაირი ბერკეტი არ გვაქვს, ჩავერიოთ მის გადაწყვეტილებაში

მკაფიოდ მინდა, განვცახადო, რომ მე – ირმა ინაშვილი, გიორგი ლომია და გოჩა თევდორაძე არ შევდივართ პარლამენტში, ანუ პარტიის პოლიტიკური შემადგენელი არ შედის მეათე მოწვევის პარლამენტში.

სხვათა შორის, მე ვიყავი ერთ-ერთ პირველი, ვინც თქვა, რომ არ შევა პარლამენტში. ვასრულებ და მომავალშიც შევასრულებ ამ სიტყვას.

მოგეხსენებათ, ყველა პარლამენტში არის ბიზნესშემადგენელი – ბატონი ავთო წლების მანძილზე არის ჩვენი მხარდამჭერი, არის ჩვენი პარტიის შემომწირველი, აფინანსებდა არჩევნებს და შესაბამისად, ის თავისუფალია მის ქმედებებში. მე და პარტიას არანაირი ბერკეტი არ გვაქვს, ჩავერიოთ ბატონი ავთანდილის გადაწყვეტილებაში. ის თავისუფალი ადამიანია და თავად იღებს გადაწყვეტილებას. ეს გადაწყვეტილება, როგორც მე დღეს მოვისმინე, მიღებული აქვს.

სხვა საკითხი არის საინტერესო, წინასაარჩევნო კამპანიის დროს სხვადასხვა პოლიტიკური პარტიები თუ მედიასაშუალებები გვაბრალებდნენ, თითქოსდა რვა მილიონი დოლარის მიღებას რუსეთიდან. დღეს ხომ ჩანს, რომ ეს რვა მილიონი დოლარი არ არსებობს? ჩვენს პარტიას ჰქონდა დაფინანსება სახელმწიფო ბიუჯეტიდან, კონკრეტული ქართველი ბიზნესმენებისგან. მაგრამ დღეს ვერ ვისმენ ბოდიშს ან ტყუილის უარყოფას.

კიდევ ერთხელ ვუსვამ ხაზს – ჩვენი პარტია მიჰყვება გეზს, ჩვენ უარს ვამბობთ ამ პარლამენტში შესვლაზე, პარტიის პოლიტიკური ნაწილი არ შედის პარლამენტში. მკაფიოდ ვამბობ, რომ ეს არჩევნები გაყალბდა, ამის დამადასტურებელი არაერთი ფაქტი და მტკიცებულებაა, ჩვენ გაყალბების გზით შემდგარ პარლამენტს არ შევუერთდებით“, – განაცხადა ირმა ინაშვილმა.

Next Post

ვაზიანის სამხედრო ბაზიდან ჯარისკაცი თეიმურაზ გიუნაშვილი გაუჩინარდა

ოთხ დეკ 23 , 2020
1,251 წაკითხვავაზიანის სამხედრო ბაზიდან ჯარისკაცი გაუჩინარდა. ოჯახი თეიმურაზ გიუნაშვილს ამ დრომდე უშედეგოდ ეძებს.  მათი თქმით, საქმეში ჩართულია პოლიციაც, თუმცა, სამხედროს კვალს ამ დრომდე ვერ პოულობენ. 35 წლის თეიმურაზ გიუნაშვილი სოფელ ფლავიდანაა, ოჯახი ამბობს, რომ ის სამხედრო ბაზიდან 20 დეკემბერს გაუჩინარდა. მათივე ინფორმაციით, ჯარისკაცი ბაზაზე 28 დეკემბრამდე უნდა ყოფილიყო. „არსად არ არის აბსოლუტურად, ესე იგი, კვალწმინდად ჩაიყლაპა, გამოვიდაო დილითაო და ესე […]