ვაზიანის სამხედრო ბაზიდან ჯარისკაცი თეიმურაზ გიუნაშვილი გაუჩინარდა

1,218 წაკითხვა

ვაზიანის სამხედრო ბაზიდან ჯარისკაცი გაუჩინარდა. ოჯახი თეიმურაზ გიუნაშვილს ამ დრომდე უშედეგოდ ეძებს.  მათი თქმით, საქმეში ჩართულია პოლიციაც, თუმცა, სამხედროს კვალს ამ დრომდე ვერ პოულობენ. 35 წლის თეიმურაზ გიუნაშვილი სოფელ ფლავიდანაა, ოჯახი ამბობს, რომ ის სამხედრო ბაზიდან 20 დეკემბერს გაუჩინარდა. მათივე ინფორმაციით, ჯარისკაცი ბაზაზე 28 დეკემბრამდე უნდა ყოფილიყო.

„არსად არ არის აბსოლუტურად, ესე იგი, კვალწმინდად ჩაიყლაპა, გამოვიდაო დილითაო და ესე იგი ტელეფონი დატოვა ბალიშის ქვეშ, მე არ ვიცი ეს როგორ მოხდა, ტელეფონს ჯიბიდან არ იშორებდა, არსად არ არის, არც ნათესავებში, არც მეგობრებთან, რა მოხდა ვერ ვიგებ”, – ამბობს ოჯახის წევრი.
ოჯახის ინფორმაციით, ბაზიდან ჯარისკაცი 11-ის 20 წუთზე, არასამხედრო ტანსაცმლით გავიდა, თან არაფერი წაუღია, ერთ საათში კი მისი კვალი დაიკარგა.

ოჯახი პასუხებს თავდაცვის სამინისტროსგან ელოდება.

მთავარი

Next Post

მკვლელობა კახეთში - სოფელ ფშაველში ცოლის ძმამ სიძე მოკლა

ოთხ დეკ 23 , 2020
1,218 წაკითხვათელავის მუნიციპალიტეტის სოფელ ფშაველში ცოლის ძმამ სიძე მოკლა. ცეცხლსასროლი იარაღიდან თავის არეში ნასროლი ტყვიით ახალგაზრდა მამაკაცი ადგილზე გარდაიცვალა. რა გახდა დაპირისპირების მიზეზი, უცნობია. ადგილზე იმყოფებიან პოლიცია და ექსპერტკრიმინალისტები. მიმდინარეობს გამოძიება.

შესაძლოა მოგეწონოთ