94 წლის მარგარტია ქაჯაიას, რომელიც ოჯახის 4 წევრის გარდაცვალების შემდეგ საცხოვრებელი ბინის გარეშე დარჩა და ათეული წელი 20 კვადრატულაში ცხოვრობდა დედაქალაქის მერმა კახა კალაძემ სახლი აჩუქა.
ამის შესახებ სოციალურ ქსელში დედაქალაქიის მერიის საზოგადოებასთან ურთიერთობის სამსახურის ხელმძღვანელი მანანა თოქმაჯიშვილი წერს.
„94 წლის მარგარიტა ქაჯაიას უსათვალოდ კითხვა უჭირს, თუმცა თბილისის მერის მიერ გადაცემული საკუთრების მოწმობა მაინც საკუთარი თვალით წაიკითხა.
მარგარიტა ბებოს მძიმე და ტრაგედიით აღსავსე ცხოვრებაში დღევანდელი დღე, ალბათ, გამონაკლისია. ოჯახის 4 წევრის გარდაცვალების და უბინაოდ დარჩენის შემდეგ ქუჩაში აღმოჩნდა და თავი მუნიციპალურ ფართს შეაფარა. ისნის რაიონში, ბაღდათის ქუჩაზე მარგარიტა ბებო 20 კვადრატულ ფართში ათეული წელია ცხოვრობს, თუმცა მუდმივ შიშში, არავის გაესახლებინა.
დღეიდან მას საკუთარი ჭერი აქვს“, – წერს მანანა თოქმაჯიშვილი.
