გიორგი ლაღიძის პოსტი ფეისბუქში:
„ხელისუფლება დიდი გამოცდის წინაშე დგას, ან უნდა წავიდეს ნიკა მელიას დაკავებაზე და აჩვენოს ყველას, რომ კანონი ყველასათვის ერთია, რაც თავისთავად კიდევ უფრო დაძაბავს ისედაც დაძაბულ პოლიტიკურ ფონს ქვეყანაში, ან პარლამენტმა უარი უნდა თქვას მელიასათვის იმუნიტეტის მოხსნაზე, რაც ასევე სერიოზული გამოცდაა ხელისუფლებისათვის, ვინაიდან საზოგადოების გარკვეულ ნაწილში კიდევ უფრო გაღრმავდება განცდა, რომ ქვეყანაში არის შერჩევითი სამართალი. მე მაინც ვურცევ ხელისუფლებას, რომ გამონახოს ოქროს შუალედი და კიდევ უფრო ნუ გააღრმავებს პოლიტიკურ კრიზისს. მიმაჩნია, რომ პარლამენტმა მელიას იმუნიტეტი არ უნდა მოუხსნას რაც მართლმსაჯულებას გადაარჩენს ზიანის მიყენებისგან. ასევე ცალსახა და ერთმნიშვნელოვანია ოპოზიციასთან მოლაპარაკების გაგრძელება, ეს ხელისუფლებასაც კარგად ესმის და მათ იციან, რომ დღევანდელი პარლამენტის ლეგიტიმაციის ხარისხი ძალიან დაბალია.
