„ამისთვის ყველა ერთად უნდა დავდგეთ!“ – სოსო მანჯავიძე

285 Views
სოსო მანჯავიძის პოსტი ფეისბუქში:
საქართველოში არსებულ საინფორმაციო სივრცეში აშკარაა ე. წ. ოპოზიციური პოლიტიკური მედიის დომინირება. მსხვილბიუჯეტიანი ტელევიზიები ,,მთავარი,” .,ტვ პირველი,” ,,ფორმულა”, ასევე შედარებით მცირებიუჯეტიანი ,,კავკასია” ,, პალიტრა.” ე. წ. ნომეკლატურული არასამთავრობოები, ბევრი სააგენტო და გაზეთი პირდაპირ ახორციელებენ კოლექტიური მეხუთე კოლონის დღის წესრიგს.
მიკერძოებულობის და ფეიკ -ნიუსების, ღია პროვოკაციებისა და რევოლუციისკენ აშკარა მოწოდებების, უხამსობის და ანტისახელმწიფოებრივი, ანტიეროვნული, ანტიეკლესიური მოქმედებების ყოველდღიური ტოქსიური ნაკადი არის ამ ქვეყნის უდიდესი პრობლემა.
სახელმწიფოს ლეგიტიმური ძალისა გამოყენება და კანონით აშკარად ანტისახელმწიფოებრივი ქმედებების აღკვეთა, ისევე როგორც საეჭვო წარმომავლობის ფინანსური ნაკადების გადაკეტვა ფაქტობრივად და რეალურად აკრძალული აქვს შეზღუდული სუვერენიტეტის გამო, რის უაღრესად დამამცირებელ გამოვლინებებსაც ყოველდღიურად ვუყურებთ შესაბამისი ემოციების გამოხატვითურთ.
ამავე დროს. უნდა ითქვას, რომ ,,საზოგადოებრივი მაუწყებელი,” ძირითადად, იმავე ლიბერალური დღის წესრიგით ხელმძღვანელობს.
ნეიტრალური ელექტრონული მედიის წილი ძალიან მცირეა მრავალი მიზეზის გამო.
სახელისუფლებო პოზიციას ,, იმედი” და ,,პოსტ-ტვ” აჟღერებენ.
დისბალანსი სახეზეა.
საინფორმაციო უპირატესობა ადრე თუ გვიან პოლიტიკურ უპირატესობაში გადაიზრდება, რაც აშშ-ს არჩევნებმაც ნათლად დაგვანახა.
სხვა საკითხია, რა კატასტროფულ შედეგებამდე მიყავს ქვეყნები ამ შეშლილ, უკონტროლი საინფორმაციო ბაქკანალიას.
ამიტომ საჭიროა, ერთის მხრივ, სახელისუფლებო პოზიციის არხების და მეორეს მხრივ, და ლიბერალური დღის წესრიგიდან გათავისუფლება და მეორეს მხრივ, არალიბერალური მედია და არასამთავრობო სექტორის გაძლიერება.
მორცხვობის და კეკლუცობის, მედია-სტრატეგიების კაბინეტებში პრეზენტაციების დრო აღარ არის. საჭიროა ღია და აშკარა შეტევა ყველა, მათ შორის უპირველესად, საინფორმაციო მიმართულებით, ამიტომაც ძალიან კარგი, თუ ლაშა ნაცვლიშვილი წავა პოსტ-ტვ-ს დირექტორად.
ცხადია, რომ ამ მდგომარეობამდე სიტუაცია არ უნდა მისულიყო და ამაზე ხელისუფლებაა პასუხისმგებელი.
ამის მიუხედავად, დესტრუქციის ამ ახალი ტალღის შეკავება და არსებულ სისტემებს შეუძლიათ, რადგან სხვა სისტემები არ არსებობს.
არაა ძნელი იმის მიხვედრა, ემოციები ამ პოსტსაც მოყვება, ისიც ნათელია, რომ ადამიანების უმეტესობას ვერ წარმოუდგენია, თუ როგორ მოქმედებს სისტემა და რამდენაც უადგილოა ზოგჯერ კეთილი სურვილებით განპირობებული პოლიტიკური სადღეგრძელოები.
მთავარია, ნაციონალების რევანში არ უნდა დავუშვათ.
ამისთვის ყველა ერთად უნდა დავდგეთ! მღვრიე წყალში ქვეყნის მტრებს თევზი არ უნდა დავაჭერინოთ!.
სხვა საკითხია, რომ წყლის ნებსით თუ უნებლიე ამღვრევებმა ადრე თუ გვიან აუცილებლად უნდა აგონ პასუხი.

Next Post

„ზუსტად ვიცი რომ ეს ასე იყო… საცერივით გამოდის იქიდან ინფორმაცია“ – მიხეილ სააკაშვილი

კვი თებ 21 , 2021
285 Views„დიდი ალბათობით იქნებოდა დიდი მსხვერპლი, იმიტომ რომ ისინი აპირებდნენ გაზის გამოყენებას დახურულ შენობაში,“ – ამის შესახებ საქართველოს ექსპრეზიდენტმა, მიხეილ სააკაშვილმა „ტვ პირველის“ ეთერში საუბრისას განაცხადა. როგორც ექსპრეზიდენტმა ტელეკომპანიის ეთერში პირდაპირი ჩართვისას აღნიშნა, მას ინფორმაცია შსს მინისტრის, ვახტანგ გომელაურის ოთახში გამართული თათბირიდან აქვს. „ნაცმოძრაობოს“ ოფისის შტურმის დროს, ოფისში შესვლა მათ გომელაურის ოფისში გათვლილი ჰქონდათ, სადაც გომელაურმა იკითხა იქნებოდა თუ არა […]

mediapress.ge@gmail.com