„ნურავინ ნუ იტყვის, რომ ბიძინა ივანიშვილს უნდა შერჩეს გაყალბებული არჩევნები“ – ნინო ბურჯანაძე

1,225 წაკითხვა

ვიოლა ფონ კრამონს არჩევნებს თუ გაუყალბებენ და პარლამენტს გარეთ დატოვებენ, როგორ შევა ასეთ პარლამენტში, ძალიან მაინტერესებს, – ამის შესახებ „დემოკრატიული მოძრაობა – ერთიანი საქართველოს“ ლიდერმა, ნინო ბურჯანაძემ განაცხადა, რითაც ევროპარლამენტარ ვიოლა ფონ კრამონის განცხადებას უპასუხა.

მისივე თქმით, ყველამ უნდა დაანებოს თავი იმაზე საუბარს, რომ გაყალბებული არჩევნებით ვინმე პარლამენტში უნდა შევიდეს.

„მე ძალიან დიდი ინტერესით დაველაპარაკები ვიოლა ფონ კრამონს და თუ მას გაუყალბებენ არჩევნებს და დატოვებენ პარლამენტს გარეთ, ან პირობითად 10 მანდატის მაგივრად მისცემენ ერთს, როგორ შევა ასეთ პარლამენტში და როგორ იმუშავებს, ძალიან მაინტერესებს. დაანებონ თავი იმაზე საუბარს, რომ გაყალბებული არჩევნებით ვინმე პარლამენტში უნდა შევიდეს. ეს აბსოლუტურად მიუღებელია, მაგრამ ამაზეც თანახმა ვიყავით იმ შემთხვევაში, თუ სამომავლოდ ვადამდელი არჩევნების თარიღი დაინიშნებოდა და პოლიტპატიმრები გათავისუფლდებოდნენ. ტყუილად ნურავინ ნუ იტყვის, რომ ბიძინა ივანიშვილს უნდა შერჩეს გაყალბებული არჩევნები“, – განაცხადა ბურჯანაძემ.

ევროპარლამენტარმა ვიოლა ფონ კრამონმა განაცხადა, რომ როგორც ევროპარლამენტარი, იმუშავებს მხოლოდ და მხოლოდ რეალურ პარლამენტარებთან, ხოლო ისინი, ვინც არჩევნებში მონაწილეობენ და შემდეგ არ შედიან პარლამენტში, ფაქტობრივად, საკუთარ ამომრჩეველს ღალატობენ.

Next Post

მთაწმინდაზე, მიტოვებულ შენობაში კაცის ცხედარი იპოვეს

შაბ აპრ 3 , 2021
1,225 წაკითხვამთაწმინდაზე, თუმანიანის ქუჩაზე კაცის ცხედარი იპოვეს. გარდაცვლილი მიტოვებულ შენობაში მოქალაქემ იპოვა.  ცხედარი შენობიდან უკვე გამოასვენეს. მას ექსპერტიზა ჩაუტარდება. შინაგან საქმეთა სამინისტროს ინფორმაციით, ფაქტზე გამოძიება 115-ე მუხლით დაიწყო, რაც თვითმკვლელობამდე მიყვანას გულისხმობს. დანაშაული ისჯება თავისუფლების აღკვეთით ვადით ორიდან ოთხ წლამდე.

შესაძლოა მოგეწონოთ