უფლებადამცველი, ბაია პატარაია, ზურაბ ჯაფარიძის პოსტს აზიარებს და წერს:
„გირჩის პედოფილურ გადახრებს ვერ ვხსნი. რა უნდა საერთოდ? რანაირი პარალელია? სიგარეტის მოწევა და ბავშვის გარყვნა არ უნდა რეგულირდებოდეს კანონით?
კომენტარებში ბაია წერს:
„მე მოვითხოვ, ამაზე განმარტებას! ყელშია უკვე გირჩის მავნებლობა პედოფილიაზე.“
შეგახსენებთ, ზურაბ ჯაფარიძე გამოეხმაურა ინიციატივას იმის შესახებ, რომ შესაძლოა, არასრულწოვნის თანდასწრებით მანქანაში მოწევა აიკრძალოს და დაწერა:
„ხელცქვიტობა? რომ ჩამოკრას ვინმემ არასრულწლოვანის თანდასწრებით?“
მოგვიანებით, ზურაბ ჯაფარიძემ მისი ნათქვამი ასე განმარტა:
„რაღაცნაირად გაიგეს, რომ თითქოს მე მომხრე ვარ, რომ არასრულწლოვნის თანდასწრებით ვიღაცა მასტურბაციით დაკავდეს. ალბათ ეს გაიგეს და მაგის გამო მაგინებენ. არ ვიცი რაზე მაგინებენ, მაგრამ, ეგ არ მიგულისხმია.
სარკაზმი იყო. მოწევაზე იყო საუბარი — არასრულწლოვნის თანდასწრებით მოწევა უნდა აიკრძალოსო. აკრძალვებზე იყო უბრალოდ რეაქცია. მილიონი რამე შეიძლება მოიფიქრო, სცენა ტაქსიში, რომლის აკრძალვაც შეიძლება მოგინდეს. მე ერთი ეგეთი სცენა მოვიგონე უბრალოდ, დავწერე და ძაან ბევრმა მაგინა მაგის გამო. რაღაცნაირად, არასწორად გაიგეს. ზუსტად ვერ მივხვდი, რა გაიგეს არასწორად…“
