„კანონი და სამართლის“ ლიდერი, თაკო ჩარკვიანი პარლამენტში შევიდა, გირჩის სანაძლეო პირობა ნაწილობრივ შესრულებულია. კერძოდ, გირჩის ლიდერს, იაგო ხვიჩიას თანაგუნდელ სანდრო რაქვიაშვილთან ნიძლავი ჰქონდა დადებული ხინკალზე, რომ ჩარკვიანი და შალვა ნათელაშვილი პარლამენტში შევიდოდნენ.
ხვიჩია ამბობს, რომ ახლა ხინკალი რაქვიაშვილს აქვს ჩასაბარებელი, რადგან ჩარკვიანი პარლამენტში შევიდა. რაც შეეხება ნათელაშვილს, თუ ის არ შევა, ჩაბარება ხვიჩიას მოუწევს.
„ფრე არ მოსულა. ერთი უკვე წაგებული აქვს სანდროს, მეორე აწი გადაწყდება, შეიძლება, მე წავაგო და მე მომიწიოს შალვაზე კისრება” -ამბობს ხვიჩია.
„ანუ ნებისმიერ შემთხვევაში კისრულობთ“ – მეგრელიშვილი.
„კი, აბა გაბათილება არ მოსულა ასეთ დროს“ – ამბობს ხვიჩია.
„ესე იგი, წაგებული აქვს სანდროს თაკო ჩარკვიანი და ველოდებით შალვა ნათელაშვილის ხინკალს“-ამბობს მეგრელიშვილი.
ხვიჩას თქმით, იმედი აქვს, რომ ნათელაშვილი პარლამენტში შევა და ის არ წააგებს.
ამის შესახებ დეპუტატებმა პლენარულ სხდომაზე, ლევან იოსელიანის სიტყვით გამოსვლის პარალელურად თავიანთ ფეისბუქლაივში ისაუბრეს.
