სუსმა გარემოს დაცვის სამინისტროს მაღალჩინოსანი დააკავა

120 Views

საქართველოს სახელმწიფო უსაფრთხოების სამსახურის ანტიკორუფციული სააგენტოს თანამშრომლებმა, საქართველოს გარემოს დაცვისა და სოფლის მეურნეობის სამინისტროსთან თანამშრომლობით, გატარებული ოპერატიულ-სამძებრო და საგამოძიებო მოქმედებების შედეგად, ქრთამის აღების ფაქტზე, საქართველოს გარემოს დაცვისა და სოფლის მეურნეობის სამინისტროს სსდ „გარემოსდაცვითი ზედამხედველობის დეპარტამენტის“ დასავლეთის რეგიონალური სამმართველოს პატრულირებისა და სწრაფი რეაგირების განყოფილების ჯგუფის უფროსი დააკავეს.
გამოძიებით დადგენილია, რომ „გარემოსდაცვითი ზედამხედველობის დეპარტამენტის“ დასავლეთის რეგიონალური სამმართველოს პატრულირებისა და სწრაფი რეაგირების განყოფილების ჯგუფის უფროსი, სისტემატურად უწევდა მფარველობას ხე-ტყის უკანონოდ მოპოვებაში ჩართულ პირებს, სამსახურებრივი მდგომარეობის გამოყენებით უზრუნველყოფდა უსაბუთო ხის მასალის შეუფერხებლად გადაადგილებას და სანაცვლოდ თითოეულ ტრანსპორტირებაში ქრთამის სახით იღებდა 300 ლარს.
გამოძიება საქართველოს სისხლის სამართლის კოდექსის 338-ე მუხლის პირველი ნაწილით მიმდინარეობს.
გამოძიებას აწარმოებს სახელმწიფო უსაფრთხოების სამსახურის ანტიკორუფციული სააგენტო.

Next Post

ერედვის ტერიტორიაზე 90-იან წლებში გაუჩინარებული ადამიანის ნეშტი იპოვეს

პარ ივნ 11 , 2021
120 Viewsწითელი ჯვრის საერთაშორისო ორგანიზაციის დახმარებით, დე-ფაქტო სამხრეთ ოსეთის ხელისუფლების წარმომადგენლებმა ის სამარხი გახსნეს, სადაც 1990-იან წლების ქართულ-ოსური კონფლიქტის დროს, გაუჩინარებული ადამიანებია დაკრძალული. ამის შესახებ ინფორმაციას სააგენტო ,,რესი’ ავრცელებს. სამარხი ოკუპირებულ სოფელ ერედვის მიმდებარე ტერიტორიაზე ნახეს. სააგენტო ,,რესის” ცნობით, ერთი ადამიანის ნეშტი აღმოაჩინეს. გარდაცვლილის ვინაობა ,,დნმ’-ის ანალიზის შემდეგ გაირკვევა. როგორც ოსური მედია წერს, ნეშთი ეთნიკური ოსი მოქალაქის კუთვნილებაა, რადგან მათი […]

mediapress.ge@gmail.com