„მუდმივად მქონდა განცდა, რომ ვიყავი არა დეპუტატი, არამედ დაკვირვების ქვეშ მყოფი ზღვის გოჭი“ – თეა წულუკიანი

864 წაკითხვა

როდესაც მე გახლდით საქართველოს პარლამენტის წევრი, მედია მუშაობის საშუალებას არ მაძლევდა. მუდმივად მქონდა განცდა, რომ ვიყავი არა დეპუტატი, არამედ დაკვირვების ქვეშ მყოფი ზღვის გოჭი, – ამის შესახებ კულტურის მინისტრმა, თეა წულუკიანმა ჟურნალისტებთან განაცხადა, რითაც გელათის ტაძარში მიმდინარე მოვლენებს გამოეხმაურა.

მისივე თქმით, იტალიელ ექსპერტებს გელათის კომპლექსში მშვიდ გარემოში მუშაობა სურთ.

„რატომ არ არის მედია დაშვებული გელათის ტერიტორიაზე?! იმიტომ, რომ მაგალითისთვის, როდესაც მე გახლდით საქართველოს პარლამენტის წევრი, მედია მუშაობის საშუალებას არ მაძლევდა. მუდმივად მქონდა განცდა, რომ ვიყავი არა დეპუტატი, არამედ დაკვირვების ქვეშ მყოფი ზღვის გოჭი. მე ამით ვიყავი ბედნიერი, მაგრამ აღმოჩნდა, რომ იტალიელ ექსპერტებს მშვიდ გარემოში მუშაობა სურთ.

მათ ითხოვეს მხოლოდ 7-8 ადამიანი, რომლებიც დამოუკიდებელი ექსპერტები არიან. ეს ჯგუფი გახლავთ იუნესკოს მიერ წარმოდგენილი ჯგუფი. ერთია, რომელმაც სახურავის პრობლემაზე უნდა დასვას დიაგნოზი. მეორე ჯგუფი გახლავთ, რომლებიც იმუშავებენ კედლის მხატვრობის დაზიანების დიაგნოსტიკაზე.

შევთანხმდით, რომ ეს 1 კვირა ექსპერტებს მუშაობას დავაცდით. მე არ მგონია, რომ ამან რაიმე გაღიზიანება უნდა გამოიწვიოს. აგერაა უცხოელი ექსპერტები და დააცადეთ მათ მუშაობა“, – განაცხადა წულუკიანმა.

Next Post

აუდიტმა გამყრელიძის უწყებაში ასტრაზენეკას 2.500 დოზა იპოვა

ოთხ ივნ 23 , 2021
864 წაკითხვა“ასტრაზენეკას” დაკარგული ვაქცინები ნაპოვნია. “მთავარი არხის” ინფორმაციით, პრეპარატი რომლის გაუჩინარებასაც დიდი ვნებათაღელვა მოჰყვა, დაავადებათა კონტროლის ეროვნულმა ცენტრმა დაკარგა. ვაქცინის განაწილება და მიწოდება სწორედ გამყრელიძის უწყების კომპეტენციაა, თუმცა პოლიტიკური პასუხისმგებლობა ჯანდაცვის სამინისტროს ეკისრება. მინისტრ ტიკარაძის განკარგულებით, სკანდალის შემდეგ აუდიტის სამსახურმა დაავადებათა კონტროლის ცენტრის შემოწმება დაიწყო. ასტრაზენეკას 2.500 დოზა მაკონტროლებელმა ორგანომ მუშაობის პირველივე დღეს აღმოჩინა. ჩვენი ინფორმაციით, დაკარგულ და შემდეგ ნაპოვნ […]