788 წაკითხვა
ირაკლი ოქრუაშვილი სოციალურ ქსელში წერს:
„ისინიც რა “ძიშოვები” არიან. ოქონის ხატს ითხოვდნენ გახელაძეში და ბოლოს გობოზოვი მიიღეს.“
როგორც ცნობილია, გახელაძე გუშინ შეიწყალა ბიბილოვმა.
ცნობისთვის, ოქონის ხატი ჯერ კიდევ 2018 წელს, ჟენევის სამიტზე ტყვეების სანაცვლოდ მოითხოვა სამხრეთ ოსეთის დე-ფაქტო მმართველმა.
ოქონის ხატი საქართველოში ბაგრატ IV-ის მეუღლემ, დედოფალმა ელენემ, ბიზანტიიდან მზითვად ჩამოიტანა, მე-12 საუკუნეში კი თამარ მეფემ გორში ოქონის ტაძარი ააშენა და იქ ოქონის ტრიპტიკონის დასვენება ბრძანა.
ოქონის ტრიპტიკონი მე-12 საუკუნიდან გორის მფარველ ხატად ითვლება. ოქონობის დღესასწაულის ტრადიცია თამარ მეფის სახელს უკავშირდება და ბრწყინვალე შვიდეულის სამშაბათს აღინიშნება.
