არავინ უნდა მოტყუვდეს, კახა კალაძისთვის და „ქართული ოცნებისთვის“ ხმის მიცემა არის მორგოშიასთვის, ფალავანდიშვილისთვის, კობახიძისთვის და ღარიბაშვილი სთვის ხმის მიცემა, – ამის შესახებ „ევროპული საქართველოს“ თავმჯდომარემ გიგა ბოკერიამ განაცხადა.
ბოკერიას თქმით, ყველა ვინც ძალადობას და მის პირდაპირ მოწოდებას აიგივებს, მისი აზრით, უსამართლო კრიტიკასთან, ერთის მხრივ, უპირისპირდება სიტყვის თავისუფლებას და ირიბად მოძალადეებს უჭერს მხარს.
გიგა ბოკერია ასევე გამოეხმაურა კახა კალაძის განცხადებას, რომელიც მან 5 ივლისის მოვლენებსა და ჟურნალისტებზე განხორციელებულ ძალადობაზე გააკეთა.
„ბატონმა კალაძემ ბრძანა, რომ დასასჯელი და სამარცხვინოა ყველა, ვინც იმ დღეს ჟურნალისტებს არბევდა, ვინც სიძულვილს და ძალადობას თესავს, ოღონდ ამას რომ ამბობდა, გვერდში ეგდა ღარიბაშვილი და კობახიძე და არის იმ გუნდის წევრი, ვინც ამ ყველაფერს აკეთებდა წლები და ვინც დააორგანიზა ეს ძალადობა.
ამიტომ, არავინ არ უნდა მოტყუვდეს, კალაძისთვის და „ოცნებისთვის“ ხმის მიცემა არის მორგოშიასთვის, ფალავანდიშვილისთვის, კობახიძისთვის და ღარიბაშვილისთვის ხმის მიცემა“, – აცხადებს ბოკერია.
ipn