პარტია ,,მომავალი საქართველო”-ს ლიდერი გიორგი ლაღიძე თბილისის მერობის კანდიდატი იქნება, პარტიის მთავარმა კომიტეტმა და ჩვენმა პარტნიორმა ორგანიზაციებმა დააყენეს ჩემი კანდიდატურა და მათი გადაწყვეტილების შესაბამისად თბილისის მერობისათვის ვიბრძოლებ. დიახ, ეს ბრძოლა იქნება უკომპრომისო, ვინაიდან ჩვენი ქალაქი იმსახურებს რეალურ ცვლილებებს უკეთესობისკენ, აცხადებს გიორგი ლაღიძე. „მედიაპრესმა“ პარტიის ლიდერს რამდენიმე კითხვა დაუსვა:
ბატონო გიორგი, რატომ გადაწყვიტეთ არჩევნებში მიგეღოთ მონაწილეობა იმ დროს, როდესაც სამი დიდი ძალა უპირისპირდება ერთმანეთს, რა შანსები გაქვთ?
მე უფრო გეტყოდით, რომ ორი დიდი ძალა უპირისპირდება ერთმანეთს, მე გახარიას მესამე, ანგარიშგასაწევ ძალად ვერ აღვიქვამ. საქმე იმაშია, რომ ჩვენი ხალხი დაიღალა ამ პოლიტიკური ძალებით და კარგად ხედავენ, რომ არ შესწევთ ძალა ქვეყნის წინაშე მდგარ პრობლემებს გაუმკლავდნენ. ხალხი სიახლის მოლოდინშია. ჩვენ ვართ ის პოლიტიკური ძალა, რომელსაც თამამად შეუძლია განაცხადოს, რომ არის სუფთა წარსულის მქონე და იმ იდეების მატარებელი, რომელიც ქართველ ხალხს სჭირდება. იდეებთან ერთად ჩვენ გვაქვს ასევე შესანიშნავი გეგმაც.
ახალი გეგმები ძალიან საინტერესო იქნება, იქნებ ცოტა დაგვიკონკრეტოთ?
ჩვენ გვაქვს ძალიან კარგი გეგმა, დედაქალაქში და რეგიონებში ინფრასტრუქტურულ პროექტებთან დაკავშირებით, მცირე და საშუალო ბიზნესის განვითარების, რაც სასიცოცხლოდ მნიშვნელოვანია ქვეყნისთვის.