მაღაზიაში შეძენილ გაყინულ ორაგულში მატლები აღმოჩნდა

2,099 წაკითხვა

თბილისში ერთ-ერთ მაღაზიაში შეძენილ გაყინულ ორაგულში მატლები აღმოაჩინეს. მაღაზიის მენეჯერი დარწმუნებულია, რომ პროდუქტი მათგან არ უყიდიათ, პროდუქტის რეალიზატორი კი ამტკიცებს, რომ ეს ნაწლავია, რომელიც სავარაუდოდ იმპორტიორს პროდუქტიდან არ გამოუცლია.

სუპერმარკეტ „ზღაპარში“, სადაც მომხმარებელმა თევზი შეიძინა, გაყინული ორაგული მართლაც იყიდება, შენახვის ვადები კი სარეალიზაციო პირობებს აკმაყოფილებს, თუმცა მაღაზიის მენეჯერი დარწმუნებულია, რომ მყიდველს თევზი მათთან არ შეუძენია.

სარეალიზაციოდ გამზადებული პროდუქტი აშშ-იდან საქართველოში კომპანია West Invest-ს შემოაქვს. კომპანიაში ადასტურებენ, რომ თერმულად დამუშავების შემდეგ პროდუქტმა ისეთი სახე მიიღო, რომ მისი ჭამა არავის მოუნდება. მიუხედავად ამისა, კომპანიაში აცხადებენ, რომ ფოტოზე არსებული წანაზარდები არა მატლები, არამედ თევზის ნაწლავებია. მათი მტკიცებით, მწარმოებელს თევზის გამოშიგნვა დაავიწყდა.

სურსათის ეროვნულ სააგენტოში აცხადებენ, რომ თევზი, როგორც მალფუჭებადი პროდუქტი, განსაკუთრებულ კონტროლს ექვემდებარება.

„შემოწმების ფარგლებში ყურადღება ექცევა როგორც ეტიკეტირებას, ასევე შენახვის პირობებს, ვარგისიანობის ვადებს. არაერთი სამართალდარღვევაა გამოვლენილი, თუმცა ამ კონკრეტულ კომპანიასთან მიმართებაში ჯერჯერობით დარღვევები არ დაფიქსირებულა“, – აცხადებს სურსათის ეროვნული სააგენტოს უფროსის მოადგილე ვასილ ბასილაძე.

იმედი

Next Post

რუსეთი შავ ზღვაში სამხედრო საზღვაო წვრთნებს იწყებს

სამ ოქტ 15 , 2019
2,099 წაკითხვა“რუსეთი შავ ზღვაში სამხედრო საზღვაო წვრთნებს იწყებს, სადაც მონაწილეობას მიიღებენ როგორც სამხედრო მოსამსახურეები, ასევე სპეციალური სამხედრო ტექნიკა, წვრთნების დროს განხორციელდება ბალისტიკური და ფრთოსანი რაკეტების გაშვებაც, რეალურად, შესაძლოა ამ წვრთნებმა საქართველო საფრთხის წინაშე უკვე მეორედ დააყენოს. საქმე ისაა, რომ 2008 წლის ივლისში აგვისტოს ომამდე რუსეთმა კავკასიაში მასშტაბური სამხედრო წვრთნები ჩაატარა, სამხედრო წვრთნების მონაწილეებს დაურიგდათ ბროშურები, რომელიც შეიცავდა ინფორმაციას საქართველოს შეიარაღებული […]

შესაძლოა მოგეწონოთ