„ევროკავშირთან და დასავლეთთან ინტეგრაციის პრობლემა გვაქვს“ –  გიორგი ვაშაძე

78 Views

„ქართულ ოცნებას“ ამ ქვეყანაში არაფრის კეთება არ უნდა, – ასე შეაფასა „მესამე ძალა-სტრატეგია აღმაშენებლის“ ლიდერმა გიორგი ვაშაძემ კომპანია „ენკას“ განცხადება, საქართველოს მთავრობასთან ხელშეკრულების გაწყვეტაზე.

როგორც მან ჟურნალისტებს განუცხადა, ხელისუფლებამ თავიდანვე არ ჩართო ადგილობრივი მოსახლეობა ამ პროცესში, ახლა კი, ხელშეკრულების გაწყვეტის გამო, საქართველოს ასობით მილიონი დოლარის გადახდა მოუწევს.

„აქ მთავარი პრობლემა 2 კომპონენტისგან შედგება. პირველი, „ქართულმა ოცნებამ“ არ ჩართო ადგილობრივი მოსახლეობა ამ პროცესში თავიდანვე და აქედან გამომდინარე, ძალიან დიდი პროტესტი გამოიწვია ამ ყველაფერმა. ვიღაცამ ცენტრში გადაწყვიტა, რომ ნებისმიერი საკითხის, ნებისმიერი პროექტის თავზე მოხვევა შეუძლია მოქალაქეებზე და ამან დააზიანა თავიდანვე ეს პროექტი. მეორე მნიშვნელოვანი საკითხია ის, რა გადაწყვეტილებაც „ენკამ“ მიიღო, ეს არის ასობით მილიონი დოლარის ზიანი ჩვენი ქვეყნისთვის არა მიუღებელი ინვესტიციის, არამედ, სამწუხაროდ, ჯარიმების, რომელიც ჩემი, შენი და ყველას გადასახდელი შეიძლება გახდეს. ეს ნათლად აჩვენებს, ვისთან გვაქვს საქმე. „ქართულ ოცნებას“ ამ ქვეყანაში არაფრის კეთება არ უნდა. „ქართულ ოცნებას“ უნდა მხოლოდ და მხოლოდ ტელევიზიით რას იტყვის, როგორ მოატყუებს, როგორ შეიყვანს მოქალაქეებს შეცდომაში. საბოლოოდ, ერთია ის, რომ ევროკავშირთან და დასავლეთთან ინტეგრაციის პრობლემა გვაქვს, ახლა ასობით მილიონი დოლარი უნდა გადავიხადოთ ამ დანაშაულებრივი ქმედებებიდან გამომდინარე, რაც მათ ჩაიდინეს“,-განაცხადა ვაშაძემ.

Next Post

გიორგი ჭილაშვილი - „მსგავსი განცხადებები  ხელს უწყობს საზოგადოებაში ცრუ და უარგუმენტო ინფორმაციის გავრცელებას!“

ხუთ სექ 23 , 2021
78 Viewsარჩევნები ჩემთვის  მნიშვნელოვანი საკითხია,  მე როგორც რიგითი მოქალაქე,  აქტიურად ვაკვირდები და ვადევნებ თვალს ცესკოს ახალი ადმინისტრაციის მუშაობას.   აუცილებელია აღინიშნოს, რომ  დღეს სისტემა სრულიად ღია და გამჭვირვალე გახდა, რაც ხაზს უსვამს ადმინისტრაციის ქმედუნარიანობას”– ამის შესახებ საუბრობს ექსპერტი საარჩევნო საკითხებში გიორგი ჭილაშვილი და აღნიშნავს ცენტრალურ საარჩევნო კომისიაში, ბოლო წლებში გატარებულ მნიშვნელოვან რეფორმებს, რამაც ორგანიზაცია უფრო მეტად გამჭვირვალე და საჯარო გახადა. “ჩვენ, […]

შესაძლოა მოგეწონოთ

mediapress.ge@gmail.com