„ჩვენ გავაგრძელებთ დიალოგს ინვესტორ კომპანიასთან“ –  ირაკლი ღარიბაშვილი

378 წაკითხვა

ეს კონტრაქტი მემკვიდრეობით დამხვდა, ისევე, როგორც ბევრი სხვა რამ. ბუნებრივია, ამ კონტრაქტში ბევრი რამ მიუღებელი იყო და ამასთან დაკავშირებით ინვესტორთან მქონდა საუბარი, – ამის შესახებ საქართველოს პრემიერ-მინისტრმა, ირაკლი ღარიბაშვილმა განაცხადა, რითაც „ნამახვანჰესის“ პროექტის შეჩერება შეაფასა.

მისივე თქმით, მთავრობის სუვერენული უფლებაა, რომ ინვესტორს ესაუბროს იმ პირობების გაუმჯობესებაზე, რომელიც მოსახლეობას აწუხებდა.

„ჩვენ გავაგრძელებთ დიალოგს ინვესტორ კომპანიასთან. მიუხედავად იმ პროტესტისა, რაც ადგილზე იყო, მათ აბსოლუტურად ყველა პირობა შევუქმენით, რათა ნორმალურად გაეგრძელებინათ სამუშაოები. ჩვენ გვექნება კომუნიკაცია და დანარჩენს უახლოეს 1 თვეში გავარკვევთ.

პრეზიდენტ ერდოღანთან ამასთან დაკავშირებით კომუნიკაცია არ გვქონია და ეს არის წმინდად ინვესტორსა და სახელმწიფოს შორის არსებული ურთიერთობა. ყველა ინვესტორს ვუფრთხილდებით, მეორე მხრივ, ყველა ინვესტორს შევუქმნით მაქსიმალურ კომფორტს, ჩვენი სახელმწიფოსა და მოქალაქეთა ინტერესების გათვალისწინებით. მინდა ვთქვა, რომ მომდევნო წლების განმავლობაში ჩვენი სტრატეგია იქნება მეტი ენერგოდამოუკიდებლობის მოპოვება, მეტი ინვესტიცია ენერგეტიკის სექტორში და პრობლემებსა და დაბრკოლებებს არ ველოდებით“, – განაცხადა ღარიბაშვილმა.

მან ასევე საქართველოს მიერ „ნამახვანჰესის“ მშენებელი კომპანიისთვის, ENKA Renewables-სთვის შესაძლო კომპენსაციის გადახდის თაობაზე ისაუბრა.

„არავინ იცის რამდენის გადახდა მოგვიწევს. თუ კომპანია დაგვტოვებს, საქმეში ჩაერთვება დამოუკიდებელი აუდიტორული კომპანია, რომლის დანახარჯის მოცულობას შეაფასებს და ამის მიხედვით მოლაპარაკება შედგება. შეიძლება სხვა კომპანიამ გამოისყიდოს, უამრავი ვერსია და ვარიანტი არსებობს, ამიტომ პრობლემას ვერ ვხედავ“, – აღნიშნა ირაკლი ღარიბაშვილმა.

ცნობისთვის, 22 სექტემბერს „ENKA Renewables“-მა საქართველოს მთავრობასთან ხელშეკრულება გაწყვიტა.

ipn

Next Post

კრიპტომაინერების შეტევა საქართველოში ორჯერ ნაკლებად განიცადეს, ვიდრე სომხეთში და სამჯერ ნაკლებად, ვიდრე აზერბაიჯანში

ორშ სექ 27 , 2021
378 წაკითხვა2021 წლის მეორე კვარტალში საქართველოში მომხმარებელთა კომპიუტერების 0,38% -ს თავს დაესხნენ ფარული კრიპტომინერები, ასეთი თავდასხმები  განიცადეს სომხეთში მომხმარებლების 0,73% –მა, ხოლო  აზერბაიჯანში – 1,21%-მა.  ამ მაჩვენებლის მიხედვით აზერბაიჯანმა დაიკავა მე -9 ადგილი  მსოფლიოში იმ ქვეყანათა შორის, რომელთა მომხმარებლებს ყველაზე მეტად ესხმოდნენ თავს კრიპტომაინერები. საქართველოში 2020 წლის აპრილ-ივნისში  ფარული კრიპტომინერები თავს დაესხნენ კომპიუტერების  მომხმარებელთა 1,23%-ს,  მაშინ როდესაც ეს მაჩვენებელი სომხეთში […]