„ჩემ ხელთ არსებულ ინფორმაციით არჩევნები საქართველოს მასშტაბით მშვიდ ვითარებაში მიმდინარეობს, პროცესს რამდენიმე ათეული სადამკვირვებლო ორგანიზაციის ათასობით დამკვირვებელი ესწრება”– აცხადებს “დემოკრატიული ცვლილებების ცენტრის“ ხელმძღვანელი დავით ჩიხელიძე, რომელიც სოციალურ ქსელში წერს:
„მივმართავ დამკვირვებლებს, განსაკუთრებით საერთაშორისო დამკვირვებლებს, კიდევ უფრო აქტიურად დააკვირდნენ მიმდინარე არჩევნებს, რათა დაინტერესებულ მხარეს სპეკულაციის შესაძლებლობა არ ჰქონდეს. არჩევნებში მოსახლეობის აქტიურობა კვლავ მაღალია, რაც ნიშნავს, რომ მიმდინარე არჩევნებს საზოგადოება დიდი პასუხისმგებლობით ეკიდება. საერთაშორისო დამკვირვებლების როლი განსაკუთრებით მნიშვნელოვანია, სამწუხაროდ ადგილობრივი ორგანიზაციების მხრიდან მიკერძოებას და საქმის არაჯეროვნად შესრულებას ვხედავთ, რაც მათ არაკვალიფიციურ განცხადებებში აისახება. ეს პირველ რიგში “ISFED”-ს და “საერთაშორისო გამჭვირვალობა”-ს ეხება”– წერს დავით ჩიხელიძე.
