სააკაშვილი საკუთარ ამომრჩეველს მიზანმიმართულად, ურცხვად ატყუებს. როგორც მან დღეს განაცხადა: “პირველად ცხოვრებაში, მქონდა ჰიპერტონული კრიზი”
რეალურად კი, სააკაშვილი პუბლიკაზე თამაშობს და ბოროტი კლოუნის როლს ირგებს. საზოგადოებისთვის კარგად არის ცნობილი, რომ 27 ოქტომბერს, სასჯელაღსრულების დაწესებულებაში სააკაშვილი უკრაინის სახალხო დამცველმა ლუდმილა დენისოვამ მოინახულა, რომელმაც ჟურნალისტებს განუცხადა, “სააკაშვილს უკვე ჰქონდა ოთხი კრიზი, მათგან ორი – ჰიპერტონული”
თუ ათი დღის წინ უკვე ორჯერ ჰქონდა გადატანილი ჰიპერტონული კრიზი, დღეს, ცხოვრებაში პირველად როგორ ჰქონდა?
სააკაშვილი საკუთარ ტყუილებში დაიკარგა… ტყუილებში, რომელსაც მისი ამომრჩეველი დაფიქრების გარეშე იღებს… უკრაინელში არა, მაგრამ სააკაშვილს ქართველ სახალხო დამცველში გაუმართლა, რომელიც მიშას ყოველ თვალთმაქცობას ამართლებს და საზოგადოებას დეზინფორმაციას აწვდის.
ლომჯარიასთვის, სააკაშვილის საქმე ერთგვარი ტესტი, ლაკმუსის ქაღალდია, რომელიც მის ობიექტურობას, ან პირიქით, სუბიექტურობას აჩვენებს. მოცემულ ეტაპზე, სახალხო დამცველი საზოგადოების ნდობას ვერ ამართლებს და ის ცალსახად მხარეს წარმოადგენს.”– წერს სოციალურ ქსელში “დემოკრატიული ცვლილებების ცენტრის” ხელმძღვანელი დავით ჩიხელიძე.
