საქართველოში მომხმარებლებზე ფიშინგური შეტევები  თითქმის 6-ჯერ შემცირდა

338 წაკითხვა

2021 წლის ივლის-სექტემბერში საქართველოში მომხმარებელთა 1,11% -ზე განხორციელდა ფიშინგური  შეტევა, სომხეთში ეს მაჩვენებელი 2,23% იყო, აზერბაიჯანში კი – 3,02%.

„კასპერსკის ლაბორატორიის“  მონაცემებით, 2020 წლის მესამე კვარტალში საქართველოში მომხმარებელთა  6,02%  შეეჯახა ფიშინგურ შეტევებს, სომხეთში ასეთი თავდასხმები დაფიქსირდა მომხმარებელთა 6,23% -ზე, ხოლო აზერბაიჯანში – მომხმარებელთა 6,58%

2021 წლის ივლის-სექტემბერში მსოფლიოში ფიშერები თავს დაესხნენ მომხმარებლებს ყველაზე მეტად  ბრაზილიაში (6,63%), ავსტრალიაში (6,41%) და ბანგლადეშში (5,42%).

2021 წლის მესამე კვარტალში კომპანიის პროდუქტების „ანტიფიშინგ“ სისტემამ აღკვეთა ფიშინგური  ბმულების გახსნის 46 340 156 მცდელობა. მსოფლიოში ამ საფრთხის წინაშე დადგა მომხმარებელთა სულ 3,56%, ხოლო 2020 წლის ივლის-სექტემბერში ეს მაჩვენებლები იყო  შესაბამისად 103 060 725 და 7,67%.

ექსპერტები აღნიშნავენ, რომ ანტივირუსში შემავალი სისტემა „ანტიფიშინგი“ ინტერნეტ საიტების ეფექტური დაცვაა  ფიშინგური თავდასხმებისაგან.  მაგრამ მომხმარებლებმაც ასევე არ უნდა დაკარგონ სიფხიზლე, არ უნდა  უპასუხონ საეჭვო შეთავაზებებს და არ მიჰყვნენ  ყალბ ბმულებს ელ.წერილებში, სოციალურ ქსელებში, მყისიერ მესინჯერებსა და საიტებზე,  არ მიაწოდონ პირადი მონაცეები ყოველ შემხვედრს.  კიბერკრიმინალები ხომ სპეციალურად ქმნიან ფიშინგურ  ვებსაიტებს  “მომგებიანი შეთავაზებებით”, რათა იქ შეიტყუონ მომხმარებლები, რომლებიც  ყოველგვარი ეჭვის გარეშე ამ საიტებს აწვდიან პირად  მონაცემებს  (ელ. ფოსტის ლოგინებს  და პაროლებს, ტელეფონის ნომრებს) და საბანკო ბარათის მონაცემებსაც  კი. რაც ბოროტმოქმედებს  პირდაპირ გზას უხსნის მომხმარებლების  საბანკო ანგარიშებისკენ.

Next Post

სააკაშვილს კორონავირუსი არ დაუდასტურდა

ორშ ნოე 15 , 2021
338 წაკითხვაპენიტენციური სამსახურის ინფორმაციით, მიხეილ სააკაშვილს კორონავირუსი არ დაუდასტურდა. ამის შესახებ უწყების მიერ გავრცელებულ განცხადებაშია აღნიშნული. “საზოგადოების მაღალი ინტერესის გათვალისწინებით, გაცნობებთ, რომ მსჯავრდებულ მ. სააკაშვილის ჩატარებული PCR ტესტის შედეგად კოვიდ-19 არ დაუდასტურდა. ინფორმაციისთვის, მიუხედავად იმისა, რომ მსჯავრდებულ მ.სააკაშვილს დაწესებულების სხვა მსჯავრდებულებთან შემხებლობა არ აქვს და მისი უსაფრთხოება მაქსიმალურად დაცულია, პრევენზიის მიზნით, დღეს 15 ნოემბერს მ. სააკაშვილს, PCR ტესტირება ჩაუტარდა და პასუხი უარყოფითია”, – ნათქვამია განცხადებაში. PCR ტესტი […]