839 წაკითხვა
სახელმწიფო უსაფრთხოების სამსახურის ყოფილი მაღალჩინოსანი, სოსო გოგაშვილი სოციალურ ქსელში სტატუსს აქვეყნებს:„დაბეგრეკაზინო“- ს კამპანიის შემდეგ, ბიუჯეტის შესავსებად და კონკრეტულად პოლიციელების გასაძლიერებლად, მთავრობას მინდა შევთავაზო ახალი იდეა.
ხო, არც ექსკლუზივი გვინდა და არც ამაზე პერმანენტულ აქციებს არ დავიწყებთ, ოღონდ გააკეთეთ.
. შემოიღეთ მსუბუქი მანქანის შუშების დაბურვაზე ფასიანი ნებართვები, 2000₾- 1 წლით.
ჩვენი გამოთვლებით და კვლევებით, ამ სერვისით ისარგებლებს დაახლოებით 100 ათასი ავტომობილის მფლობელი.
.ეს იქნება დამატებითი 200 მილიონი ლარი, რაც საშუალებას მოგცემთ, რომ შსს-ს 40 ათას თანამშრომელს ხელფასი გაუზარდოთ 500! ლარით, ან ყოველთვიური დანამატი გადაუხადოთ.
.ასევე ეს ხელს შეუწყობს ოპერატიულ მანქანებს, რომ შეუმჩნევლად განახორციელონ თავისი უფლებამოვალეობები. ახლა მაყრიონივით თვალში ხვდებიან ყველას.
. შეამცირეთ 10 000 ლარიანი გადასახადი 2000 ლარამდე ინდივიდუალურ სახელმწიფო სანომრე ნიშნებზე, ოღონდ 5 წლიანი ნებართვით.
ამ სერვისით ისარგებლებს დაახლოებით 50 000 ავტომფლობელი. ესეც დამატებითი 100 მილიონი მატერიალურ- ტექნიკური ბაზის გასაუმჯობესებლად, ან მოსამსახურეთა ბინათმშენებლობისთვის, რომელიც უფასოდ გადაეცემა უბინაო თანამშრომლებს, ან მრავალშვილიან პოლიციელებს.
ვემსახურებისაქართველოს!
პ. ს. 2020 მონაცემებით საქართველოში რეგისტრირებულია 1.38 მილიონი ავტომობილი, აქედან აქტიურია 1 მილიონი.
პ.პ.ს. იმ კაზინოებიდან ამოღებული თანხით სხვადასხვა პენსიები, რომ უნდა გაზარდოთ საგრძნობლად ეგ არ დაგავიწყდეთ“ – წერს სოსო გოგაშვილი.
