„ეს მხოლოდ დასაწყისია, ასმაგად მოგთხოვთ პასუხს“ – ირმა ინაშვილი

1,438 წაკითხვა

ირაკლი კობახიძემ თავი დაანებოს ჩვენს წინააღმდეგ მგზნებარე კოორდინატორების დარაზმვას და სრულიად სამარცხვინო მესიჯების გავრცელებას, თითქოს ვიღაცის თამაშს ვთამაშობთ და თითქოს ჩვენი ამომრჩეველი არ მივიდა არჩევნებზე. სწორედ ირაკლი კობახიძემ და ზოგადად პოლიტიკურმა კობახიძეებმა ჩააგდეს ამ ვითარებაში ქვეყანაც და ბიძინა ივანიშვილიც. იმედია, ახლა მაინც აანალიზებს ივანიშვილი, ვისთან აქვს საქმე.”– ამის შესახებ “პატრიოტთა ალიანსი”-ს მთავარი მდივანი ირმა ინაშვილი წერს ფეისბუქში.

“კოორდინატორების დარაზმვა და “ფეისბუქში” ორგანიზებული პოსტების წერა, რომ თითქოს ჩვენ მხარდამჭერები არა გვყავს, რომ თითქოს შევეკარით ვინმეს და თითქოს კორონაა და აქციების ჩატარება დანაშაულია, უტიფარი დემაგოგია და ტყუილია და ვერანაირად ვერ გადაფარავს კობახიძის დანაშაულს, რასაც ჰქვია არჩევნების ტოტალური გაყალბება. ისე, მაინტერესებს, “ქართული ოცნების” აქტივი საარჩევნო უბნებზე ტაშ-ფანდურს რომ მართავდა, მაშინ კორონას გავრცელების საფრთხე არ იყო?

ყველას გასაგონად ვამბობ: “ქართულ ოცნებას” პატრიოტების რეზოლუციისთვის რომ დაეჭირა მხარი, ქვეყანა დღეს ამ უბედურებაში არ იქნებოდა, მაგრამ რა მხარს დაუჭერდნენ, სიამ- ტკბილობდნენ ერთმანეთთან ბოლო 8 წელია. ცინიზმი არაა, გავიმარჯვეთ დამნაშავეებზეო, აქაც ორგანიზებულ პოსტებს რომ წერდნენ?! სად გაიმარჯვეთ, რა გაიმარჯვეთ, ესაა გამარჯვება?! ვაი, საქართველოს თქვენს ხელში!

ასევე, ყველას ვეუბნები: თვალის დახუჭვა იმაზე, რაც მოხდა, არის უზნეობა! არჩევნების გაყალბება სისხლის სამართლის დანაშაულია. ფეიკ-ოქმებს ავრცელებენო, აქაც ორგანიზებულ კამპანიას რომ ეწევით, რა ფეიკი, მთელი თქვენი არჩევნები ფეიკია. ცესკოს საიტზე დევს ეს ოქმები, ცესკოც ფეიკია ამ ლოგიკით.

7 ნოემბერს, საღამოს 5 საათზე პატრიოტები ვიკრიბებით თავისუფლების მოედანზე! არ მოხდება ამ გაყალბებული არჩევნების აღიარება. ყველა გამყალბებელი დაისჯება.

ეს მხოლოდ დასაწყისია. უსამართლობას და უკანონობას სააკაშვილის რეჟიმის დროს არ შევგუებივართ. ახლა ასმაგად არ შევეგუებით და ასმაგად მოგთხოვთ პასუხს.

მე და ჩემნაირებმა 17 წელი შევალიეთ ამ ბრძოლას, კიდევ 17 წელი არც მე მაქვს დასაკარგი და მითუმეტეს, არც ჩვენს ქვეყანას.”- წერს ირმა ინაშვილი.

Next Post

„შენ არ ხარ პარტია ჩემთვის - მაგრად იყავი!“ - ინგა გრიგოლია

სამ ნოე 3 , 2020
1,438 წაკითხვაინგა გრიგოლიამ პროკურატურის მიერ ნიკა მელიას დაკავების მოთხოვნა ფეისბუქში ასე შეაფასა: „მოგებული არჩევნები თავხედურად გაუყალბეს და ახლა იჭერენ? პროკურატურამ სასამართლოს მიმართა Nika Melia -სთვის აღკვეთის ღონისძიების შეცვლასთან დაკავშირებით და ჰოი საოცრებავ,პროცესი დღესვე ჩაინიშნა,ხუთ საათზე. Nika Melia შენ არ ხარ პარტია ჩემთვის, პარლამენტიდან უსამართლოდ გამოშვებული კაცი ხარ , ამიტომ გგულშემატკივრობ, მითუფრო, გლდანში გაყალბებული არჩევნების ფონზე. მაგრად იყავი!“.