2,682 წაკითხვა
ბონდო მძინარაშვილის პოსტი ფეისბუქში:
ქართველი ჟურნალისტებისთვის და არა მხოლოდ მათთვის:
“რუსთავი 2” ადამიანის უფლებათა ევროპულმა სასამართლომ არ დაუბრუნა მის კანონიერ მფლობელს.
ამ სასამართლომ, ანუ მოკლედ, სტრასბურგის სასამართლომ მხოლოდ ის დაადგინა, რომ საქართველოს ყველა დონის სასამართლომ სამართლიანი გადაწყვეტილება მიიღო.
ეს კი იმას ნიშნავს, რომ საქართველოს მართლმსაჯულებამ უხარვეზოდ განსაჯა და სტრასბურგის სასამართლომ მხოლოდ ეს უხარვეზობა დაადასტურა.
ასე რომ, მომავლისთვის რომ იცოდეთ:
სტრასბურგის ადამიანის უფლებათა ევროპული სასამართლო არავის არაფერს უბრუნებს. ის მხოლოდ იმას ადგენს, ვისაც დაუბრუნეს, რამდენად სამართლიანად დაუბრუნეს ის, რაც დაუბრუნეს.
ასევე იმასაც ადგენს, იმის უფლებები, ვინც სტრასბურგის სასამართლოს მიმართა, ნამდვილად დაარღვია თუ არა ეროვნულმა მართლმსაჯულებამ; და თუ დაარღვია, კერძოდ, რომელი მუხლი დაარღვია.
ადამიანის უფლებათა ევროპული სასამართლო არ და ვერ აუქმებს ეროვნული სასამართლოს მიღებულ გადაწყვეტილებას, – მას მხოლოდ კონკრეტული მუხლ(ებ)ის დარღვევის შესახებ გადაწყვეტილების მიღება შეუძლია.
