„ჩვენ ვართ ყოველდღიური და მუდმივი საფრთხის წინაშე“ – შალვა პაპუაშვილი

804 წაკითხვა

შალვა პაპუაშვილი სახელმწიფო უსაფრთხოების სამსახურის მიერ გავრცელებულ ინფორმაციას გამოეხმაურა, რომლის მიხედვითაც, სოფელ მეჯვრისხევის მიმდებარედ, ოკუპირებულ ტერიტორიაზე უკანონო დესტრუქციული ქმედებები შეინიშნება. პარლამენტის თავმჯდომარის თქმით, ხელისუფლების ნებისმიერი ნაბიჯი განპირობებულია უსაფრთხოების განმტკიცებით, რათა ქვეყანას დამატებითი საფრთხეები არ შეექმნას.

„ჩვენ ვართ ყოველდღიური და მუდმივი საფრთხის წინაშე. ჩვენი ტერიტორიის 20% ოკუპირებულია, იქ განთავსებულია საოკუპაციო ძალები. აქედან გამომდინარე, რისკები არის ყოველდღიური და ყოველწამიერი. სწორედ ამ პასუხისმგებლობით მოქმედებს საქართველოს ხელისუფლება. მისი ნებისმიერი ნაბიჯი არის განპირობებული უსაფრთხოების განმტკიცებით და იმით, რომ ამ ქვეყნის უსაფრთხოებას დამატებითი საფრთხეები არ შეექმნას. ეს გახლდათ ნატოში ჩემი ვიზიტის შინაარსი, რომ ჩვენს პარტნიორებთან გვქონოდა კომუნიკაცია და ერთგვაროვანი პოზიცია რეგიონში უსაფრთხოებასთან და საქართველოს უსაფრთხოებასთან დაკავშირებით“, – აღნიშნა პარლამენტის თავმჯდომარემ.

სახელმწიფო უსაფრთხოების სამსახურში სოფელ მეჯვრისხევის მიმდებარე ტერიტორიაზე, უკანონო ბორდერიზაციის ფაქტს არ ადასტურებენ, თუმცა აცხადებენ, რომ სოფლის მიმდებარედ, ოკუპირებულ ტერიტორიაზე, შეინიშნება გარკვეული უკანონო დესტრუქციული ქმედებები.

Next Post

„თქვენმა მოძალადე და გიჟმა პრეზიდენტმა ისე ააწყო სისტემა,  რომ მაშინდელი ბლოკი დღემდე მყარად მადევს“ - ბესო ზაბგური

პარ იან 28 , 2022
804 წაკითხვაბესო ზანგურის პოსტი ფეისბუქში: „ტვ-პირველის და #ტილნოდარამელაძეს და ტილი ზონდერ ჟურნალისტების გასაგებად მინდა დავწერო: 5 შვილის მამა მხოლოდ მსახიობის ხელფასით ვერ გავჩერდები…თქვენმა მოძალადე და გიჟმა პრეზიდენტმა რომელიც ძალადობასა და გარყვნილება,ფულის გახარჯვასა და სამშობლოს ღალატისთვის იხდის სასჯელს, ისე ააწყო სისტემა,  რომ მაშინდელი ბლოკი დღეეემდე მყარად მადევს… როგორც კი თეა მოვიდა მინისტრად და სიმპატია დავაფიქსირე, ძალადობა შემტენეთ და პროგრამები წააყვანინეთ შემტენთ! […]

შესაძლოა მოგეწონოთ