კვლავ ძალიან კომიკურ სიტუაციაში აღმოჩნდა ოპოზიციური გაერთიანება.
ერთის მხრივ, მათი მთავარი იდეოლოგიური ხაზია, რომ ისინი არიან ნამდვილი მედასავლეთეები, ხოლო “ქართული ოცნება” პრორუსულია.
აქედან გამომდინარეობს, რომ “რუსი ოლიგარქი” ანტიდასავლურ პოლიტიკას აწარმოებს, და რახან ამათ ტვინში ყველაფერი დასავლური კარგია, ხოლო ყველაფერი რუსული-ცუდი-მას კარგი არაფერი შეუძლია გააკეთოს.
ამიტომ ნებისმიერი დადებითი შეფასება დასავლეთიდან პუტინის და ივანიშვილის მიერ ინსპირირებულად ცხადდება, ხოლო ინსტიტუციები, რომლებმაც ეს გაბედეს- “ჭეშმარიტი დასავლეთის” მოღალატეებად.
გავიხსენოთ სტრასბურგის სასამართლოს გადაწყვეტილებასთან დაკავშირებით ამტყდარი პარანოია.
ახლა ამ მარაზმატიკული იდეოლოგიის მიხედვით, ამხანაგებმა გვარამიამ,
ვაშაძემ და ძმათა მათთა დასავლეთის ინტერესების მოღალატეებად უნდა შერაცხონ მსოფლიო ბანკი, იბიარდი და საერთაშორისო სავალუტო ფონდი, რომლებმაც საქართველოს მთავრობის რეფორმები დადებითად შეაფასეს.
რა ქნან ახლა?
ვის შესჩივლონ?
მეორე საკითხია,რამდენად ობიექტურია პარამეტრები და ყოფნის თუ არა არსებული ეკონომიკური ზრდა ჩვენი პრობლემების გადაწყვეტას.
აქ საუბარია, იმაზე, თუ რა ბრიყვული და დამამცირებელია ასეთი მონური დამოკიდებულება და ამგვარი გონების შეურაცხმყოფელი იდეოლოგიით საზოგადოების გაჭყეპვა.
არაფერი ისე არ ვნებს საქართველოს, როგორც ამ დისკრედირებული სუბიექტების გამოცხადება დასავლური კურსის ადეპტებად.
ნამდვილი ალერგია დამართეს ხალხს, რადგან თუ დასავლეთი არის გვარამია, სააკაშვილი, მაქარაშვილი და ის სუბიექტი, რომელიც ბრიუსელის აეროპორტში ეტლიკინებოდა კალაძეს და კობახიძეს- თუ დასავლეთი ასეთ ამგვარ სუბიექტების მხარდამჭერად აღიქმება საზოგადოებაში, ასეთი რეაქცია ნამდვილად ბუნებრივია.
სოსო მანჯავიძე
