თამარ ბაჩალიაშვილის ცხედარს ფეხსაცმელები არ ეცვა – (ვიდეო)

1,446 წაკითხვა

საინფორმაცო სააგენტო “ინფო რუსთავის” ინფორმაციით, მაშინ, როცა თამარ ბაჩალიაშვილი მაწევანის მიმდებარე ტერიტორიაზე საკუთარი ავტომობილის უკანა სავარძელზე გარდაცვლილი იპოვეს, ფეხსაცმელები არ ეცვა.

ის, რომ გარდაცვლილს ფეხსაცმელები არ ეცვა, ჩანს მისი ცხედრის ავტომობილიდან გადმოსვენების ამსახველ ვიდეო კადრებშიც.

ინფო რუსთავს აღნიშნული ფაქტი ბაჩალიაშვილების ოჯახის ინტერესების დამცველმა მიხეილ რამიშვილმაც დაუდასტურა.

ჩვენს კითხვას, ამოიღო თუ არა თამარ ბაჩალიაშვილის ფეხსაცმელები გამოძიებამ მიხეილ რამიშვილიი პასუხობს:

“თამარს ნამდვილად არ ეცვა ფეხსაცმელები. მანქანაშია ნაპოვნი მისი ბოტასები”, – განუცხადა “ინფო რუსთავს” მიხეილ რამიშვილმა.

ბაჩალიაშვილების ოჯახის ადვოკატს, ჯერ-ჯერობით უჭირს რაიმეს თქმა ან ვერსებზე საუბარი, თუ რატომ არ ეცვა თამარ ბაჩალიაშვილს ფეხსაცმელი, როდესაც ის საკუთარ ავტომობილში გარდაცვლილი ნახეს.

ფეხსაცმელებთან დაკავშირებით კითხვა 23 წლის გარდაცვლილი გოგოს დედასაც დავუსვით და აღმოჩნდა, რომ მან ამის შესახებ “ინფო რუსთავისგან” შეიტყო.

თეონა თამაზაშვილის თქმით, მისი ემოციური ფონის გამო მას არც ცხედარი და არც შემთხვევის ადგილზე ცხედრისთვის გადაღებული ფოტოები არ უნახავს. მისივე თქმით, შვილის ცხედარი მამამ ნახა, თუმცა შოკურ მდგომარეობაში იყო და ვერ გაარჩია ვერაფერი და ცხედარიც ვერ ამოიცნო.

ინფორუსთავი

Next Post

„ეს იქნება ბრძოლა ჩემი ხალხისთვის“ - ვანო მერაბიშვილი განცხადებას ავრცელებს

ორშ აგვ 3 , 2020
1,446 წაკითხვაყოფილი პრემიერი და შს მინისტრი ვანო მდერაბიშვილი მიმართვას ავრცელებს, სადაც ის აცხადებს, რომ არ აპირებს პარლამენტის წევრობას და არც რაიმე თანამდებობის დაკავებას მომავალ მთავრობაში. მერაბიშვილის ფეისბუქის გვერდზე გავრცელებულ მის მიმართვაში ამბობს, რომ მთავარი მიზანი ივამიმშილის რეჟიმის წინააღმდეგ ბრძოლაა და არა თანამდებობების გადანაწილება. „ახლოვდება ჩვენი ქვეყნისთვის უმნიშველოვანესი არჩევნები. ამ არჩევნებში გადამწყვეტი იქნება არა ის, რას იზამს ქართული ოცნება – რადგანაც […]