ირაკლი ღარიბაშვილი – უმუშევრობა ისტორიულ მინიმუმამდე ჩამოვიდა

192 წაკითხვა

საქართველოს პრემიერ-მინისტრის, ირაკლი ღარიბაშვილის განცხადებით, ბოლო ერთ წელიწადში საქართველოში, დაახლოებით, 100 ათასზე მეტი ახალი სამუშაო ადგილი შეიქმნა და უმუშევრობა ისტორიულ მინიმუმამდე ჩამოვიდა.

ამის შესახებ პრემიერმა მთავრობის სხდომაზე განაცხადა.

„სიღარიბის შემცირებაც გვაქვს და ყველა მიმართულებით არის ზრდა, იქნება ეს ტურიზმი, ექსპორტი, შიდა წარმოება, მოკლედ ყველა მიმართულებით გვაქვს პოზიტიური მაჩვენებელი.

ფაქტობრივი მობილიზების დინამიკის გათვალისწინებით, ჩვენ ვზრდით 2023 წლის ნაერთი ბიუჯეტის საგადასახადო შემოსავლის გეგმურ მაჩვენებელს, დაახლოებით, 290 მილიონი ლარით. გარდა ამისა, გაიზრდება შემოსავლის გეგმური მაჩვენებელი, სესხების დაბრუნებისა და სხვა შემოსავლების გეგმური მაჩვენებელი, დაახლოებით, 270 მილიონი ლარით. აქედან გამომდინარე, ჩვენ მომდევნო წელს რესურსი გვეზრდება 660 მილიონი ლარით და შესაბამისად, ამავე თანხით გაიზრდება ნაერთი ბიუჯეტი და ჯამში 25 მილიარდი ლარი იქნება ნაერთი ბიუჯეტი“,- განაცხადა ღარიბაშვილმა.

Next Post

ირაკლი კობახიძე - სააკაშვილის მეგობარი, იულია ტიმოშენკო ციხიდან ეტლით გამოვიდა, მაგრამ მეორე დღეს წამოხტა ეტლიდან, სიმულაცია იყო - ხომ არ გვაქვს ასეთივე სიმულაციასთან საქმე?

სამ ნოე 29 , 2022
192 წაკითხვამიხეილ სააკაშვილის მეგობარი, იულია ტიმოშენკო ციხიდან ეტლით გამოვიდა, მაგრამ მეორე დღეს წამოხტა ეტლიდან, სიმულაცია იყო – ხომ არ გვაქვს ასეთივე სიმულაციასთან საქმე? – კითხვებზე პასუხია გასაცემი, პირველ რიგში, დიაგნოზით, – ამის შესახებ „ქართული ოცნების“ თავმჯდომარე ირაკლი კობახიძემ პარლამენტის პლენარულ სხდომაზე სიტყვით გამოსვლისას მიხეილ სააკაშვილის ჯანმრთელობის მდგომარეობაზე საუბრისას განაცხადა. მისივე თქმით, სააკაშვილთან დაკავშირებით ოპოზიციის ზოგიერთი წარმომადგენლების განცხადებები სპეკულაციურია და მათ ადამიანის სიცოცხლეზე საუბრის უფლება არ აქვთ. […]