გიორგი გამსახურდია მისი ძმის შესახებ ბოლო პერიოდში გავრცელებულ ინფორმაციებს ეხმიანება

2,788 წაკითხვა

გიორგი გამსახურდია მისი ძმის შესახებ ახალ ინფორმაციას ავრცელებს, რომელიც ტვიტერში გამაქვეყნა:

“ცოტნეს საკითხი იყო რთული, პირველ ეტაპზე ფაქტიურად ყველა იმედი გადაწურული იყო.  ქართველმა ექიმებმა და ქართულმა ჯანდაცვის სისტემამ მართლა ყველაფერი გააკეთეს, რომ სიტუაცია რადიკალურად სასიკეთოდ შემობრუნებულიყო. შემდეგ დადგა ეტაპი, როდესაც ცოტნე საჭიროება საზღვარგარეთ მკურნალობას, შეირჩა კლინიკა და საქართველოს მთავრობის, ასევე, ფონდი “ქართუს” სრული ჩართულობით, სამედიცინო თვითმფრინავით გადაყვანილ იქნა თურქეთში,  სტამბოლის “აჯიბადემის” კლინიკაში, სადაც, ფაქტიურად, სასწაული მოახდინეს ექიმებმა და ხანგრძლივი მკურნალობის შემდეგ ცოტნე გამოაღვიძეს.

მესამე ეტაპი, რომელიც რეაბილიტაციას მოიცავს, დაიწყო ახლა. ასევე, ზემოხსენებული ადამიანების ორგანიზებით და ჩვენი სრული ჩართულობით რეაბილიტაცია თურქეთში გადაწყდა, იმ მიზეზის გამო, რომ იმ დროისთვის ცნობილი მოვლენების გათვალისწინებით ევროკავშირი იყო სრულიად დახურული და მიუხედავად ქალბატონი ე. ტიკარაძის პირადი ძალისხმევისა, გერმანულ მხარეს არ აღმოაჩნდა მზაობა, მიეღო სარეაბილიტაციოდ პაციენტი. ცოტნე მოიტაცეს, ცოტნე გაიტაცეს, ცოტნე არ ვიცით სადაა, გიორგის “ტვიტერი” ყალბია და ა.შ. არის სპეკულაცია, სხვა თუ არაფერი…

არ ჩამოვთვლი იმ არამკითხე მოამბეების სახელებსა და გვარებს, ვინც ამ სისულელეში არიან ჩართულნი და ამ სისულელეებსა და სიცრუეს ტირაჟირებენ. არ მინდა და არ მაქვს სურვილი, მანანას ნათქვამზე, ან თუნდაც რაიმე საქციელზე კომენტარი გავაკეთო. ზრდასრული დამოუკიდებელი ადამიანია და თავად არის თავის გაკეთებულ საქმეზე თუ ნათქვამზე პასუხისმგებელი.

ახლა, ბოლოს, ცოტნეს მკურნალობის არცერთ ეტაპზე, არცერთი ინსტანციისგან, მაქვს მხედველობაში ქართული სახელმწიფო ინსტიტუტები, მმართველი გუნდი თუ ადგილობრივი საელჩო, იოტისხელა მკურნალობა არ მოკლებია მას და არც თურქეთში მყოფ დედამისს და მის მეუღლე ანის. ყველაფერი ცოტნეს გარშემო მიდის და მიდიოდა უმაღლესი ყურადღებით და უმაღლესი სტანდარტების სრული დაცვით, რაც დღევანდელ მსოფლიოში შეიძლება, რომ ადამიანს ჰქონდეს,”- წერს გიორგი გამსახურდია, ის მადლობას უხდის ბიძინა ივანიშვილს, საქართველოს მთავრობას და მის მეთაურ გიორგი გახარიას.

Next Post

დავით აქუბარდია “პაკრიშკების” მაღაზიების დახურვის გამო უკმაყოფილოა (ვიდეო)

ოთხ აპრ 8 , 2020
2,788 წაკითხვადავით აქუბარდიასთვის კვლავ გაუგებარია, რა საჭირო იყო კარანტინის შემოღება და მომსახურების ობიექტების დახურვა. ის განსაკუთრებით შეშფოთებულია, მისივე თქმით “პაკრიშკების” მაღაზიების დახურვის გამო, ასევე წუხს რომ საპარიკმახეროში თმას ვერ იჭრის და არ მუშაობს ოპტიკის მაღაზია.