საგანგებო და კარანტინის წესების განმეორებით დარღვევა 6 წლამდე პატიმრობით დაისჯება

1,853 წაკითხვა

საგანგებო და კარანტინის წესების განმეორებით დარღვევა 6 წლამდე პატიმრობით დაისჯება. პარლამენტმა სამი მოსმენით სისხლის სამართლის, ასევე ადმინისტრაციულ სამართალდარევათა კოდექსში ახალი ნორმები შეიტანა.

როგორც საპარლამენტო უმრალესობის ლიდერი მამუკა მდინარაძე განმარტავს, თუ საგანგებო მდგომარეობის გამოცხადების შემდეგ, ფიზიკური პირი პრეზიდენტის დეკრეტით და სხვა ნორმატიული აქტებით დადგენილ წესებს დაარღვევს, პირველ შემთვევაში ამისთვის 3000 ლარით დაჯარიმდება, იურიდიული პირის შემთვევაში კი ჯარიმა 15 000 ლარია.

„359 პრიმა მუხლის მიხედვით, ადმინისტრაციულ სახდელ დადებული პირი დაისჯება 6 წლამდე თავისუფლების აღკვეთით საგანგებო და კარანტინის რეჟიმის დარღვევისთვის. თუ საგანგებო მდგომარეობის გამოცხადების შემდეგ პრეზიდენტის დეკრეტით და სხვა ნორმატიული აქტებით დადგენილ წესებს დაარღვევს პირი, პირველ შემთვევაში ამისთვის ის ისჯება 3000 ლარიანი ჯარიმით და იურიდიული პირის შემთვევაში ეს არის 15 000 ლარი. ამის შესახებ საზოგადოებისთვის უკვე ცნობილია. ამის განმეორებით ჩადენის შემთხვევაში კონკრეტული პირი დაისჯება 6 წლამდე თავისუფლების აღკვეთით. ეს ზომები და სისხლის სამართლის კოდექსში ცვლილებების შეტანა და ერთი ახლი მუხლის დამატება საჭირო გახდა იმისთვის, რომ არ იყო განჭვრეტადი ადმინისტრაციული ჯარიმის დადგენის დაკისრების შემდეგ, რა პასუხისმგებლობა ეკისრებოდა პირს სისხლის სამართლის კოდექსის მიხედვით. კონკრეტული რეგულაცია არსებობს, რომელიც გათვალისწინებულია პრეზიდენტის დეკრეტით, მაგრამ ეს ქმედება, როგორც დანაშაული პირველად შემოვიდა სისხლის სამართლის კოდექსში. ასევე არის იქ მითთება რომ პრეზიდენტის დეკრეტით თუ სხვა რამ არის გათვალისწინებული, ამ შემთვევაში, მოქმედებს პრეზიდენტის დეკრეტით გათვალისწინებული სანქცია“, – განაცხადა მამუკა მდინარაძემ.

ipn.ge

Next Post

კოვიდის შემდეგ წითელა და პოლიომელიტი? – ჯანმო განცხადებას ავრცელებს

ხუთ აპრ 23 , 2020
1,853 წაკითხვაახალი ტიპის კორონავირუსთან დაკავშირებით, ვაქცინაციის სამსახურის შეფერხებამ, შესაძლოა, ისეთი ინფექციური დაავადებების აფეთქება გამოიწვიოს, როგორებიც არის წითელა და პოლიომელიტი, – ნათქვამია ჯანდაცვის მსოფლიო ორგანიზაციის განცხადებაში. „COVID-19-ის პანდემიის შედეგად, იმუნიზაციის სამსახურის მუშაობის შეჩერება ისეთი დაავადებების აფეთქების რისკს ზრდის, რომელთა არიდება ეფექტური ვაქცინების გარეშე შეუძლებელია”, – ნათქვამია განცხადებაში. ორგანიზაციაში აღნიშნავენ, რომ მაშინ, როდესაც საგანგებო ვითარებების დროს ვაქცინაციის სამსახურები შეფერხებით იწყებენ მუშაობას, ისეთი დაავადებების რისკი […]

შესაძლოა მოგეწონოთ