პოლიტიკურ ველზე პარტიათა ახალი გაერთიანება იქნმება. გაერთიანება, სავარაუდოდ მთავარი ოპოზიციის ნიშის დაკავებას შეეცდება, რომელიც არასაპარლამენტო ოპოზიცია-ახალი პოლიტიკურ ძალთა პლატფორმის სახელით გამოვა პოლიტიკურ ასპარეზზე.
პარტია „მომავალი საქართველოს“ ლიდერი გიორგი ლაღიძე აცხადებს, რომ პარტიათა შორის კონსულტაციები უკვე ერთი თვეა მიმდინარეობს და მემორანდუმზე ხელმოწერა უახლოეს დღეებში მოხდება:
„უკვე ერთი თვეა მიმდინარეობს აქტიური კონსულტაციები სხვადასხვა პოლიტიკურ ძალებთან. ჩვენ გამოვნახეთ შეხების წერტილები და ვთანხმდებით ერთ მთავარზე, რომ ჩატარებული არჩევნები არ ასახავს ქართველი ხალხის ნებას. შესაბამისად, მემორანდუმზე ხელმომწერი პარტიები ერთად გავაგრძელებთ ბრძოლას მთელი რიგი საკითხების ირგვლივ. თუ რომელ პარტიებზეა საუბარი, ამას საზოგადოება უმოკლეს დროში შეიტყობს. რაც ყველაზე მთავარია, ახალ პოლიტიკურ ძალთა პლატფორმა არავის მიერ არ იქნება მართვადი და ეს იქნება ქართველი ხალხის ინტერესების დაცვაზე ორიენტირებულ პოლიტიკურ ძალთა ერთობა“.