„ბატონო ბიძინა!“ – ლევან მამალაძის დედა ემოციურ წერილს აქვეყნებს

2,067 წაკითხვა

ქვემო ქართლის ყოფილი გუბერნატორის, ლევან მამალაძის დედა, ბიძინა ივანიშვილს მიმართავს მისი შვილის საქმესთან დაკავშირებით, რომლის წინააღმდეგ დღემდე სისხლის სამართლის საქმეა აღძრული, რის გამოც ქვეყანაში ჩამოსვლას ვერ ახერხებს:

„ბატონო ბიძინა!

ჩემი ოჯახის მდგომარეობიდან გამომდინარე უნდა შეგაწუხოთ.

მე ვარ 80 წლის ქალი, 4 შვილის დედა, 11 შვილიშვილის და 9 შვილთაშვილის გამზრდელი ბებია, გთხოვთ თქვენ ყურადღებას და დახმარებას. ეს თხოვნა ეხება ჩემს შვილს-ლევან მამალაძეს.

მოგეხსენებათ, იმის გამო, რომ ლევანი არ იზიარებდა სააკაშვილის პოლიტიკურ შეხედულებებსა და გეგმებს, ლევანი და მთელი ჩვენი ოჯახი მოხვდა რეპრესირებულთა რიგში. ჩვენი ოჯახი იყო პირველი რომელმაც გაიარა საკაშვილისა და ოქრუაშვილის პირსისხლიანი რეჟიმი.

2003 წლიდან ლევანი ოჯახით- 3 მცირეწლოვანი შვილით, იძულებული გახდა საქართველოდან წასულიყო .უკვე 17 წელია ველოდებით რაიმე საშველს, უბრალოდ სამართლიანობის აღდგენას, მაგრამ ვერაფერს გავხდით და ლევანის ოჯახი საქართველოს ვერ დაუბრუნდა.

თქვენი ხელისუფლებაში მოსვლით უდიდესი იმედი გამიჩნდა. თქვენი პირველი პირობაც ხომ ეს იყო, რომ სამართლიანობა აღდგებოდა საქართველოში.

მე დღემდე ველოდები ამ დანაპირების ასრულებას….

და წარმოგიდგენიათ დედის მდგომარეობა?

ჩემი შვილი ვერ დავაბრუნე საქართველოს მიწაზე..

ჩვენი საქმე პროკურატურაში თაროზეა შემოდებული და გვეუბნებიან- პოლიტიკური ნებაა საჭირო რომ განვიხილოთო და თქვენსკენ იშვერენ ხელს.

პრეზიდენტთანაც გვაქვს შეტანილი განცხადება შეწყალებაზე, მაგრამ ამაოდ.

ბატონო ბიძინა, აღარ მინდა თავი შეგაწყინოთ და მოვყვე ბევრი რამ რაც ჩვენმა ოჯახმა გადაიტანა. იქნებ გადმოგვხედოთ და გულთან ახლოს მიიტანოთ ჩვენი ამდენი წლის დარდი და ტანჯვა.

გთხოვთ, დამეხმარეთ და ჩემი შვილი და შვილიშვილები ჩამომაყვანინეთ საქართველოში.

ქართველისთვის ხომ ყველაზე დიდი სასჯელი სამშობლოდან განდევნააა. ან რა დავაშავეთ ასეთი მიუტევებელი?…”– წერს ლევან მამალაძის დედა, ვერა პაიჭაძე.

Next Post

„ამით დამთავრდება მერაბიშვილის ასვლა პოლიტიკურ მწვერვალზე“ – ირაკლი ოქრუაშვილი

სამ მაი 19 , 2020
2,067 წაკითხვაპატიმრობიდან გათავისუფლებული ირაკლი ოქრუაშვილი, ვანო მერაბიშვილს ვერ მოიაზრებს, როგორც პოლიტიკაში მყოფ პირს და მიიჩნევს, რომ მისი ადგილი არ არის პოლიტიკაში. „მერაბიშვილის ადგილს პოლიტიკაში ვერ ვხედავ.  მან შეიძლება მოიგოს ერთი მაჟორიტარული ოლქი და ამით დამთავრდება მისი ასვლა პოლიტიკური მწვერვალზე.“- ამბობს ის. ოქრუაშვილი ასევე ეწინააღმდეგება შესაძლებლობას, რომ მერაბიშვილი გაერთიანებული ოპოზიციის ხაზით იყოს მაჟორიტარი.

შესაძლოა მოგეწონოთ