„ქართული ოცნება“, როგორც პარტია, მესამედ იმარჯვებს პრინციპულ არჩევნებში“ – ბიძინა ივანიშვილი

1,346 წაკითხვა

პარტია “ქართული ოცნების” თავმჯდომარე ბიძინა ივანიშვილმა ეგზიპოლის შედეგების გამოცხადების შემდეგ განცხადება გააკეთა.

„მადლობა გადავუხადოთ ჩვენს ამომრჩევლებს, მადლობა „ქართული ოცნების“ აქტივისტებს, ლიდერებს, თქვენ – ახალგაზრდებს, თქვენ მოიტანეთ ეს გამარჯვება. განსაკუთრებით ხაზგასასმელია, რომ „ქართული ოცნება“, როგორც პარტია, მესამედ იმარჯვებს პრინციპულ არჩევნებში. ის, რაც უნდოდა ჩვენს ქვეყანას – ჩამოყალიბებული, სოლიდური გუნდი, ჩვენ ეს მივიღეთ.

რაც მთავარია, ქართველმა ამომრჩეველმა ძალიან სწრაფად, სხარტი გონებით ისწავლა გარჩევა და ანალიზი, რასაც ევროპელებმა გაცილებით მეტი დრო მოანდომეს.

ამიტომ დიდი მადლობა თქვენ გამჭრიახი გონებისთვის. კიდევ ერთხელ დიდი მადლობა „ქართულ ოცნებას“ და მის ლიდერებს, მთელ გუნდს. გარწმუნებთ, რომ საქართველომ დღეს გააკეთა ღირსეული არჩევანი. გარწმუნებთ, რომ „ქართული ოცნება“, რომლის დამფუძნებელიც მე გახლავართ, ღირსეული გუნდია. არ შემცდარა ქართველი ამომრჩეველი და ღირსეულ ხალხს დაუჭირა დღეს მხარი.

ლიდერების ნაწილი აქ არის, ნაწილი ადგილებზეა და უყურებს პროცესებს. კიდევ ერთხელ გაძლევთ პირობას, რომ დარჩება ისევ სახალხო და დარჩება ხალხის სამსახურში. მადლობა, თქვენ მადლობა ამომრჩეველს. მომავალ ჩვენს გამარჯვებებს გაუმარჯოს, გაუმარჯოს ჩვენს ქვეყანას“, – განაცხადა ბიძინა ივანიშვილმა.

Next Post

„ივანიშვილმა ისეთი ზღვარი გადალახა, რის მერეც შეიძლება..“ - ნინო ჯანგირაშვილი

კვი ნოე 1 , 2020
1,346 წაკითხვაჟურნალისტი, ნინო ჯანგირაშვილი, სოციალურ ქსელში, წერს: „ივანიშვილი გარდა იმისა რომ უსინდისო, ყველაფრის მკადრებელი ღორია, არის უტვინო და ერთუჯრედიანი. ისეთი ზღვარი გადალახა, რის მერეც შეიძლება სულ წყალში ჩაეყაროს მთელი წვალება, თუ ოპოზიცია შეთანხმებულად და ჭკუით იმოქმედებს: საქართველოს კონსტიტუცია, მუხლი 38. ახალარჩეული პარლამენტის პირველი სხდომა იმართება პარლამენტის არჩევნების შედეგების ოფიციალურად გამოცხადებიდან არაუგვიანეს მე-10 დღისა. პირველ სხდომას ნიშნავს საქართველოს პრეზიდენტი. პარლამენტი პირველ […]