„სულ თმებით გამოვათრევ იმ კობახიძეს – დროზე მოვიდეს გონს“ – ნონა მამულაშვილი

375 წაკითხვა

გუშინ „ქართულმა ოცნებამ“ ოფიციალურად გამოუცხადა ომი საქართველოს მოსახლეობას. „ქართულმა ოცნებამ“ წაართვა მომავალი საქართველოს მოსახლეობას და პუტინს გაუფორმა გამარჯვება, – ამის შესახებ „ნაციონალური მოძრაობის“ წევრმა, ნონა მამულაშვილმა განაცხადა.

მისი თქმით, საქართველოს მოსახლეობას სურვილი აქვს, რომ ეს ყველაფერი შეიცვალოს.

„ჩვენ ვხედავთ, რომ „ქართული ოცნება“ არ აპირებს წასვლას და უზურპაციას აპირებს ხელისუფლების, ამიტომ ჩვენ ყველანაირ მშვიდობიან მეთოდს გამოვიყენებთ, რომ ეს ხალხი მოვაცილოთ აქაურობას და დავუბრუნოთ პირველივე რეისით პუტინს. იქნება აბსოლუტურად ყველა მეთოდი აქციების ჩათვლით, რომ მაქსიმალური დისკომფორტი შევუქმნათ ამ ხელისუფლებას, ვუთხრათ, რომ მათი წასვლის დრო დადგა. ამას აჯანყებას დავარქმევთ თუ აქციებს, ვფიქრობ რომ ერთსა იმავეზე ვსაუბრობთ. ამიტომ, მიუხედავად იმისა, რომ „ქართული ოცნება“ ცდილობს, დაგვაკომპლექსოს და გვათქმევინოს, რომ ჩვენ ძალადობრივ მეთოდებს გამოვიყენებთ, არ გამოვიყენებთ, სულ თმებით გამოვათრევ იმ კობახიძეს. ამიტომ, მე ვურჩევ „ქართულ ოცნებას“, რომ დროზე მოვიდეს გონს და გადაწყვიტოს რომელი რეისით შევა მოსკოვში, ამიტომ ველოდებით დღეს. ნიკა მელიამ როგორც თქვა, ბრძოლა იქნება უკომპრომისო, ამიტომ ყველა მეთოდს, რის უფლებასაც გვაძლევს კონსტიტუცია, გამოვიყენებთ. დღეს არის დაგეგმილი აქცია და ნიკა მელია ამის შესახებ გამოაცხადებს თავად“, – განაცხადა მამულაშვილმა.

Next Post

„ჯანყი“ არ ახსენოო. არადა, „ჯანყი“ ხალხის მრავალათასიან მშვიდობიან „ტალღას“ გულისხმობს“ - თაკო ჩარკვიანი

კვი ოქტ 31 , 2021
375 წაკითხვამესამე პრეზიდენტს მივმართავ, გთხოვთ, შეწყვიტეთ, შიმშილი, რადგან თქვენი ჯანმრთელობა და თქვენი მუხტი სჭირდება ამ ქვეყანას, ისე როგორც არასდროს. დიდი განსაცდელია საქართველოს თავს, – ამის შესახებ „კანონი და სამართლის“ ლიდერი თაკო ჩარკვიანი სოციალურ ქსელში წერს. თაკო ჩარკვიანი მეორე ტურის შედეგების შესახებ წერს, რომ მისი ვარაუდი არჩევნების შესაძლო გაყალბების თაობაზე, გამართლდა. „ვთქვი, რომ ასე „ინტელექტუალურად“ არასოდეს წავლენ-მეთქი. (ოლიგარქიატი). მეორე ტურს ვერ გააყალბებს-მეთქი?- […]