2008 წლის შემდეგ მსგავსი კიბერშეტევა არ მომხდარა – განადგურებულია კომპიუტერები, მათ შორის ძვირადღირებული ტექნიკა

2,072 წაკითხვა

სავარაუდოდ ჰაკერული შეტევის გამო ტელეკომპანია „იმედი“ დაახლოებით 20 წუთის განმავლობაში იყო გათიშული, „მაესტრო“ კი ამ დრომდე შეფერხებით მუშაობს.

გამოძიება 2 მუხლით, 284-ე და 286-ე მუხლებით დაიწყო. ტელეკომპანიაში უკვე იმყოფებიან კიბერუსაფთხოების სამმართველოს სპეციალისტები.

„იმედის“ იურისტის ანდრო ლაშხის თქით, ზარალი დიდია. „ახლანდელი მდგომარეობით „იმედი“ ეთერშია, „მაესტრო“ კი ვერ მაუწყებლობს, გაფუჭებული და განადგურებულია კომპიუტერები, მათ შორის ძვირადღირებული ტექნიკა, სისტემაზე ბოლომდე წვდომა კვლავაც არ გვაქვს. სავარაუდოდ ეს არის კიბერშეტევა, ველოდებით გამოძიებას. არ ვიცით რა იქნება, ხვალ ზეგ ან თუნდაც 1 საათის შემდეგ.”- აცხადებს ტელეკომპანიის იურისტი.

კიბერუსაფრთხოების კონსულტანტები აცხადებენ, რომ 2008 წლის შემდეგ მსგავსი კიბერშეტევა არ მომხდარა და შესაძლოა ის საზღვარგარეთ დაიგეგმა.

დღეს რამდენიმე სამთავრობო და კერძო ვებგვერდზე კიბერშეტევა განხორციელდა: ოფიციალური პირველი გვერდების ნაცვლად, ჰაკერებმა მიხეილ სააკაშვილის ფოტო გამოაქვეყნეს წარწერით “I’ll be Back” (“დავბრუნდები”).

Next Post

სააკაშვილის ვირტუალური დაბრუნება - დღის ფოტო

ორშ ოქტ 28 , 2019
2,072 წაკითხვადღეს რამდენიმე სამთავრობო და კერძო ვებგვერდზე კიბერშეტევა განხორციელდა: ოფიციალური პირველი გვერდების ნაცვლად, ჰაკერებმა მიხეილ სააკაშვილის ფოტო გამოაქვეყნეს წარწერით “I’ll be Back” (“დავბრუნდები”). შინაგან საქმეთა სამინისტრომ გამოძიება უკვე დაიწყო. კიბერშეტევა განხორციელდა ასევე ტელეკომპანია „იმედზე“, „მაესტროსა“ და GDS-ზე, ამის გამო, დაახლოებით, 20 წუთის განმავლობაში პარალიზებული იყო ტელევიზიის მუშაობა. გამოძიება 2 მუხლით, 284-ე და 286-ე მუხლებით დაიწყო. „იმედის“ იურისტის ანდრო ლაშხის თქით, […]